Saturday, November 10, 2007

Lagos, Luxembourg, Brussel og morðhótun í N.Y!!!

Góðan daginn gott fólk
Jæja, nú hefur maður aldeilis lent í ýmsu upp á síðkastið frá síðasta bloggi.Jájá, karlinn búinn að fara til Lagos þar sem hreint ótrúlegir atburðir áttu sér stað auk þess sem undirritaður gerði nánast í buxurnar þegar 5000 karlmenn komu hlaupandi að bílnum þegar við vorum að keyra út á flugvöll. Já, 5 þúsund karlmenn allir klæddir í hálfgerð hvít nærföt komu hlaupandi kl. 5 að morgni að bilnum er við vorum að keyra út á flugvöll, undirritaður hélt að mennirnir væru að fara að ráðast á bílinn og draga okkur svo lifandi (eða ólifandi) út í vegakant og ræna okkur öllu steini léttara. Nei, það gerðist ekki, heldur var liðið að hlaupa og slást við hvorn annan, já, þetta var æfing fyrir þá sem vildu komast í lögregluna!!! Þetta var hlaupapróf lögregluskolans í Lagos (Nígeríu), þeir 50 fyrstu fengu vinnu, og þeir sem á eftir fremstu mönnum komu reyndu að hindra aðra með alls kyns ólöglegum hætti að komast fram fyrir þá, þannig að ekki er hægt að segja að upprennandi lögreglumenn byrji vel, þ.e. með því að kýla andstæðinga sína sem reyna að hlaupa fram úr þeim í hlaupaprófi, undarlegt nokk! Jæja, við komumst út úr þessum látum í myrkrinu og héldum áfram okkar leið út á flugvöll og þar beið vélin eftir okkur, ótrúlegt en satt, æpandi á okkur að koma okkur í burtu sem fyrst! Sem og við gerðum. Næstu dagar voru haldnir hátíðlegir í Luxembourg, Lux var algert himnaríki eftir ruglið í Lagos, þar var miðbærinn tekinn í bakaríið nokkrum sinnum bæði með því að fara fótgangandi frá hótelinu eða í leigubíl, en göngutúrar voru þó nánast allsráðandi nema þegar dregið hafði fyrir sólu, þá voru notaðir leigubílar, mjög fínt að komast í siðmenningu eftir ruglið í Lagos. Jájá, nú frá Lux var haldið til BRU sl. mánudag, skrýtið að fá svona gott danskt smörrebröd í Brussel, en það er samt vel þess virði á den Copenhagen Tavern, á horni Waterloo Blvd. og annarar ónefndrar götu. Daginn eftir flugum við til N.Y. Nýja Jórvík er alltaf ágæt, en í þetta skiptið ákvað ég að taka Manhattan í gegn eins og hún leggur sig á 2 jafn fljótum. Já, er búinn sl. 2 daga að labba í rúmar 15 klst. út um alla Manhattan. Á þessu rölti mínu, sem alltaf var með Sibba Arngríms kafteini með í för, hefur mikið gengið á. Best er að byrja á hlutum sem koma lífi manns við, mál er þannig með vexti að ég og Sibbi vorum búnir að þræða allar götur frá 1st Avenue og 34. W & Est til 9. av. og að Cenral Park. Þreyttir ákváðum við nú samt að kíkja inn í eina myndavélabúð sem var á vegi okkar á 54. stræti og 8 avenue þegar við vorum að koma að Central Park. Þá gerist margt skrýtið þegar ég spyr sölumann um eina ákv. linsu sem ég hafði hug á að kanna, þá hverfur hann út úr búðinni og einhver ítala drullusokkur kemur og fer að sýna mér allan andskotann sem kom mér ekkert við í búðinni, þegar ég segist nú bara hafa áhuga á einni linsu sem ég hafi verið að pæla í þá fer hann að sýna mér þá linsu ásamt fleirum, fer svo að bæta inn filterum og alls konar aukabúnaði og bjóða mér þetta til kaups. Upphaflega var linsan sem ég ætlaði að kaupa á 699 USD.Þetta var einföld 75-300mm canon aðdráttarlinsa, en það dugði ekki, hann varð að sýna mér Sigma linsu sem var miklu betri líka og kostaði 1200 USD. Ég sagðist engan áhuga hafa svoleiðis verðum og ætlaði að labba út og þá byrjaði aðal ballið. Hann fór að bjóða mér linsurnar á betri kjörum og segist hafa fengið 15 linsur frítt frá supplier því þegar hann pantaði síðast vegna "promotion" sem hann á að vera með á þeim. Segist að lokum láta mig fá hana fyrir 100USD, þ.e. Canon linsuna.Mér fannst þetta í meira lagi undarlegt og segi honum það að ég sé hættur við þetta og ég muni bara koma aftur ef mér snýst hugur. Svo labba ég út að útidyrahurðinni, þá öskrar helvítið á mig og segir orðrétt, ég afsaka málfarið hér á eftir: "You f***ing idiot, I´ve opened everything for you in this store and you just walk out without doing business with me!", ég segi við hann að ég sé nú bara viðskiptavinur að skoða hlutina og svona á nú ekki að koma fram við kannski tilvonandi viðskiptavini, og þetta hafi nú gert það að verkum að ég sé nú bara farinn, þá segir helv. "Let me ask you a question, do you think it is normal to walk out here without doing business with me", ég sagði já, þá trylltist hann! Kom aftur f-orðið 10 sinnum ásamt fleiru, og að lokum segir hann, "If you want wings, I´ll take you in the back here now, and soon you´ll fly"!!!!!!!! Með þessa hótun á bakinu flaug ég út að Sibba sem var í símanum og við drifum okkur inn í mannfjöldann og löbbuðum inn í Central Park. Fyrst hlógum við nú bara að þessu, en helv. fávitinn hefur örugglega verið á einhverjum efnum frá félögum sínum í mobbunni hérna í N.Y. Ótrúlegt, ég mæli með því að fólk haldi sig við stóru verslanirnar hér og haldi sér fjarri svona minni electrical stores sem eru úti um allt hér í bæ!!! Nú, seinni dagurinn í N.Y. sem var í fyrradag var ansi fínn, þá fór ég með Sibba aftur ásamt Mekkinó Björns. í rosalega gönguferð hér, hér var allt labbað, byrjað að labba fram hjá Empire State og þaðan til á 9. av. og 34th street þar sem B&H verslunin er, héngum í henni smá stund og ákváðum að halda labbinu áfram niður að city hall. Þar með löbbuðum við í gegnum allt Chelsea hverfið, East Village, Meat District, Soho, Chinatown, Little Italy ásamt mörgum fleiri hverfum enda tók þetta labb allan daginn. Á einum stað nálægt city hall var J&R búðin, sem er ansi góð fyrir þá sem eru að spá í alls konar rafmagnstæki, og keypti ég mér lítið GPS tæki til að hafa þegar maður er að ferðast. Mjög handhægt. Að lokum var ég orðinn svo illa haldinn af blöðrum á löppunum vegna þess að ég hafði enga gönguskó með mér að við urðum að taka leigara upp á hótel. Svo var flug um kvöldið og karlinn kláraði line check-inn um nóttina og gekk allt vel. Nú er ég kominn til Houston verð hér í aðra 5 daga eða svo. Stefnan er tekin á að nota GPS-ið í bílaleigubíl hérna og þvælast um á alla staði sem fyrir auga manns verða og hef ég ásamt Mekkinó og Willy Karstens ákveðið að byrja á þessu ferðalagi á morgun.
Að lokum er komið að hrósi og lasti!!!
Hrósið fær hin frábæra verslun J&R fyrir að bjóða upp á allan andskotann í rafmagnstækjum á góðum verðum sem allir Íslendingar eiga að geta sætt sig við.
Lastið fær að sjálfsögðu Ítalakvikindið sem hótaði mér öllu illu, og get ég ekki sagt annað en að sá maður sé best geymdur í Rússnesku fangelsi í Siberiu.
Bið að heilsa í bili,
So long

Wednesday, October 24, 2007

Enn lifir bloggið :-)



Góðan dag dömur, herrar, börn og öll önnur lifandi kvikindi á þessari plánetu.



Það er ekki stutt síðan hér var bloggað síðast og það má með sanni segja að margt hafi breyst á þessum langa tíma sem er að verða að mig minnir 10 mánuðir eða svo jafnvel rúmlega það.

Í síðasta pósti var ég að koma fram skoðunum mínum um virka samkeppni, það er nú ljóst að sú aðgerð mín stóðst ekki alveg væntingar því bloggið sem varð til á blogcentral var svo ómeðfærilegt að ég nennti ekki að nota það, sumir eiga eflaust eftir að tengja þetta við það að maður er nú aftur að byrja hjá sínu gamla company-i og finnst þá ekki skrýtið að maður byrji að blogga aftur um öll þau ævintýri sem gerast hjá Air Atlanta Icelandic, eflaust gæti sú skýring átt einhvern þátt í því, ekki gott að segja, en gott er það þó að google er nú tengt við gamla góða blogspot-ið þannig að ekki fer maður nú að kvarta núna undan einhverju veseni sem áður var, enda google bara tær snilld á allan sinn hátt og fá þeir 5 stjörnur fyrir frammistöðu sína gagnvart forritum á vefnum sem öðru aðgengilegu frá þeim. Jæja, hvað um það, maður er nú fullur tilhlökkunar að byrja aftur hjá Atlanta og þeysa um fjöll og firnindi sem fyrr, þá er ekki úr vegi að byrja að blogga almennilega aftur. Látum þetta nægja með afsakanir og þess háttar vandræði.



Post mortem á undangengnu frá síðasta pósti



Það hefur nú margt drifið á dagana síðan einhvern tímann i desember í fyrra, það fyrsta sem brennur á mér er þegar hringt var í mig á gamlársdag og beðinn um að sleppa MEGA áramótapartýi hjá Birki og fórna mér fyrir málstað Atlanta og fara strax út til Jeddah á nýársdagsmorgun til að koma pílagrímum sína ferð til Mekkah. Birkir fær hér því formlega afsökun á því að við (ég og Lilja) mættum ekki, gengur betur næst, lofa því.

15. jan fór ég heim frá Jeddah til að fara á námskeið hjá Icelandair.

16. jan byrjaði námskeið hjá Icelandair og ég var nokkuð þungur í kg talið.

21. apríl kláraði ég simma hjá Icelandair, enn nokkuð þungur í kg talið.

22. apríl hófst niðurtalningin hjá karlinum, orðinn þrítugur, partýhöld verða haldin seinna.

3. maí byrjaði að fljúga hjá Icelandair, þ.e. mitt fyrsta flug, frá Keflavík til Frankfuhrt og til baka.

21. maí kláraði Lilja mín 3. árið í hjúkkunni með glæsibrag :D

7. júní átti Lilja afmæli og haldið var svaka boð í T23, ekki amalegt.

1. júlí fór golfið loks að ganga hjá karlinum og stóð það loksins út sumarið, gott ár hjá karlinum ;)

5.-8. júlí fórum ég og Lilja lögðum ég og Lilja land undir fót og fórum í massa landkönnunarleiðangur um suðurlandið, Landmannalaugar, Gjáin í Þjórsárdal og endalaust meir af hlutum skoðaðir en á endanum var farið á Goslokahátíð í Vestmannaeyjum sem var með besta móti og bið ég að heilsa öllum Eyjamönnum, þeir eru bara snillingar.

1. ágúst gerðist nú hlutur sem ekki er á færi nema mjög svo öflugs fólks sem á allt gott skilið, já, Hjalti og Maja eignuðust stúlkubarn, 15 merkur að mig minnir, rosalegt, til hamingju enn og aftur, stálpuð og flott, sé þarna gífurlegt efni í góðan golfara ;)

Jæja, upptalningar upptalningar, það fer vel á því að upptalningin endi á þessum örlagaríka degi Hjalta og Maju, en svona til að gera gífurlega langa sögu stutta, þá var restin af sumrinu tær snilld, og nú loksins er karlinn búinn að taka bílskúrinn í gegn og gera allt klárt fyrir flugvélasmíði, m.a.s. verkfærin og alles tilbúin og klár, það vantar bara verkefnið, en það kemur fyrr en síðar.

Undirritaður hefur nú komist að því að Darth Vader (Svarthöfði úr Star Wars) á sér bróður, snillingurinn Birkir benti mér á þennan snilling. Já, sá heitir Chad Vader og er bara klikkaður snillingur, vinnur í supermarkaði og þar takast á völd dagvaktarinnar og næturvaktarinnar, bara snilld, bendi fólki á að kynna sér þetta vel, mikil og góð skemmtun að skoða þetta á youtube.

Mínir menn í skemmtanabransanum þessa dagana eru menn sem ég hreinlega get horft á aftur og aftur á youtube. Það eru Flight of the conchords, þessir gaurar eru frá Nýja Sjálandi, eru reyndar búnir að "make-a" það í USA en hvað um það, það er bara snilld að horfa a þessa gaura.



Hrósið

Hrósið í þessu bloggi fær sjónvarpsþátturinn Næturvaktin. Þetta er besti íslenski grínþáttur sem ég hef séð lengi lengi lengi, tær snilld, takk fyrir þetta 365 (því miður eru þeir líkam með lastið).



Lastið

Fær 365 fjölmiðlar fyrir að segja fólki sem eru áskrifendur að Sýn, að fótboltinn sé að koma heim aftur (Football coming home auglýsingin hjá þeim), en svo er bara búin til ný sjónvarpsstöð sem allir áskrifendur þurfa að kaupa til að sjá enska boltann, lélegt, því miður.



Það verður héðan í frá hrós og last í hverju bloggi hér eftir.


Er að vinna í að koma því við á bloggi þessu að fólk geti bætt við athugasemdum hér á síðunni. Vonandi hefst það fyrr eða síðar.

Að lokum vil ég bara senda öllum KR-ingum hamingjuóskir með Íslandsmeistaratitilinn í körfu og bendi stuðningsmönnum annara félaga á það að KR er STÓRVELDI!!!

Kveðjur í bili


Wednesday, December 06, 2006

Góðan daginn

Adam Smith var göfugur maður, hann sannaði það að markaðurinn leiti alltaf að besta verði gagnvart neytanda með því að vera með virka samkeppni, neytandinn fái alltaf besta verðið ef markaðurinn er 100% frjáls og þannig finni markaðurinn sjálfur besta verðið. Þessi kenning hans teygir sig langt í lífinu, t.d. hjá mér, þar sem ég hef ákveðið að loka þessu bloggi á samkeppnisgrundvelli. Já, blogspot er að reyna að rukka mig um alls konar hluti sem ég fæ frítt á öðrum "host-um" þannig að á þessum samkeppnisgrundvelli ákvað ég að flytja bloggið yfir á
www.blog.central.is/champinn

Það er með þó nokkrum trega sem ég lýk hérna síðastu skrifum mínum á þessari síðu, hún hefur reynst ágætlega þessi ár, en því miður hafa upp á síðkastið eilíf vandræði með þetta gert það að verkum að skrifunum fór mjög fækkandi. Það mun vonandi ekki eiga sér stað á hinu nýja bloggi!!!
Ég bið ykkur að taka vel á móti á
www.blog.central.is/champinn

Saturday, November 18, 2006

Það er bara ein leið til að lysa því hversu dapur ég hef verið í að skrifa hér á síðuna, já ég er búinn að vera bloggarahaugur!!!
Skilgreining á bloggarahaug:
"Maður er hefur ekki skrifað í 2 mánuði á bloggið, hefur ekki enn neitt til að skrifa um, er í massivu sjokki eftir að hafa verið of lengi í Saudi-Arabíu og er farinn að ýta of oft á " ' " takkann á lyklaborðinu í stað " ð "-takkans".
Jæja, reynum aðeins, eins og sést á skrifum flugbróðursins frá KL þá er hann í fínu formi þar ásamt spússu sinni og dauðöfunda ég manninn fyrir að vera þarna í tærri snilld. Ekki er leiðinlegt heldur að skoða myndirnar hans á myndasíðunni og fær hann hrós fyrir að vera svona öflugur með cameruna! Kveðjur til Hjaltans og Maju frá Champanum og Lilju!
Ég ætlaði að vera massa duglegur síðustu daga og reyna að þvo bílinn og taka bílskúrinn í gegn en hvað gerist þá, stormur með öllu tilheyrandi, m.a.s. landsliðsmennirnir flugu ekki til Íslands í 2 daga af 3!!! Svo leit nú út í morgun að það væri veður, mæti ég út og hvað þá, jú, -13 gráður á mælinum!!!!!!! Veðrið hérna er óþolandi dapurt dag eftir dag og rússinn bíður eftir því að ég kveiki á honum og komi honum í loftið alveg eins og Rudolph sem bíður eftir sveinka en hann þarf nú að bíða í nokkrar vikur enn! Að lokum er ljóst að karlinn er farinn að nálgast 100 kg í bekkpressunni og farinn að hlaupa 5 km á nálægt 25 min, ekki slæmt!!! Jæja, kveð í bili og lofa bloggi hér aftur MJÖG fljótlega!
Kv. Champinn

Sunday, September 10, 2006

DHACA, BORG BORANNA, MÓTMÆLA OG ÞREYTU + FRAMLEIÐSLA METANGASS

Hmmm, skrýtin fyrirsögn gæti einhver maður hugsað sér, tja, veit ég nú ekki, en menn verða að gera það upp hver fyrir sig.
Er nú staddur í Bangladesh, nánar tiltekið borginni Dhaca. Hér er allt á iðandi skriði og ekki hægt að sofa hér á hótelinu vegna framkvæmda, já, það er einhver indverskur Bangladesh-i að bora eins og vindurinn í herberginu fyrir ofan mig hér á hótelinu og svo er hann með ca. 10 álíka snillinga hamrandi nagla og ég held svei mér þá bara að þeir hamri bara allt sem fyrir hamar geti orðið. Þ.a.l. er lítið um svefn þessa dagana hérna og allt á suðupunkti í hausnum á mér. Já, ekki laust við að það hafi myndast þrumuský yfir höfuðinu á karlinum þegar kom í ljós að ekki væri hægt að skipta um herbergi.
Jæja, í aðra sálma. Þegar við mættum á svæðið hérna, var okkur tjáð að við myndum líklega ekki fljúga til baka í nótt (sl. nótt) eins og áætlað var því pólitískt ástand í þessu landi er á suðupunkti líka (eins og höfuðið á mér), í dag er STRIKING DAY, og það á allt eftir að verða vitlaust víst hér seinna í dag, ég bara óskaði þess að þeir vissu hvað þetta þýddi á ensku, því þá væru mennirnir sem bora hér á fullu ekki að VINNA! Skilst mér reyndar að þetta eigi nú bara við um helming þeirra sem hér búa og á að vera eitthvað þvílíkt dæmi gagnvart ríkisstjórninni. Er við athuguðum þetta betur, kom í ljós að búið er að setja vegatálma víðs vegar í kringum borgina og ljóst að við komumst ekki út á flugvöll í dag fyrir miðnætti vegna þessa. Ég sagði nú svona í gríni við einn, "hvað er þetta maður, er ekki bara gaman að fara út og kíkja á þetta, lenti í þessu í Buenos Aires einu sinni og það var bara fjör, allir dansandi og hressir", hann svaraði fljótt, "þetta er ekki Buenos Aires", og sagði þetta með þannig tón að ég ætla ekkert út af hótelinu í dag. Hvað sem því líður, þá er svolítið gaman að sjá þetta land, ýmislegt til hérna, og gjaldmiðillinn er 69 á móti dollar, sem minnir óneitanlega á ísl. krónuna og þ.a.l. finnst mér ég bara vera kominn heim (eða þannig).

Ég ákvað að skreppa í morgunmat hér í morgun. Já, það hefði ég betur látið ógert, því óneitanlega verður að viðurkennast að mikil aukning hefur orðið á heildarmagni metangass á jörð eftir þennan morgunmat. Ég fór auðvitað að hugsa um hvernig nýta mætti þessa auðlind, jú, hvað með metan í stað bútan, fylla á kveikjara og svoleiðis, svo gæti ég gert samning við B.S. (Er það ekki nýja nafið fyrir strætó?)??? Er það ekki snilld. Ég reyndar vona að ég fari að hætta að rappa fljótlega, því þetta er orðið full mikið af því góða og enn ein góð ástæðan til að skipta um herbergi sem ekki fæst!

Það er þó einn plús hérna sem verður að fá að komast að, ég prófaði mango-ís hér í gær, mikið andskoti rosalega er hann æðislega góður, þvílíkt og annað eins, verð að athuga hvort þetta sé til heima, er enn að sleikja út um eftir að hafa fengið tvær kúlur af þessu hér á hótelinu, massa fínt, þannig að maður er nú ekki bara negativur eins og sumir mættu ætla af þessum skrifum mínum. Að lokum fannst mér svo freistandi að kaupa minjagrip hér eins og ég gerði í Baku í Azerbaijan, þ.e. 2 vodkaflöskur (200 mil) á 5 kr. En þá rann upp fyrir mér að ég gæti það ekki því auðvitað er ég á leið til Jeddah aftur og þá þýðir ekkert að vera með það með sér.

Annars er ljóst að við förum héðan eftir miðnætti í kvöld, ekkert mál, og enginn annar en Hjalti snillingur að koma með vélina hingað, sækja karlinn og svo fær hann þess heiðurs njótandi að vera farþegi hjá mér, óskandi reyndar að við værum fljúgandi saman, en það styttist í það með hverjum deginum (hvor svo sem verður kafteinn á undan, skiptir ekki máli, Hjalti, "you can be my wingman any time" :D).

chao for now

Sunday, September 03, 2006

Salama Leikum, Allah Akhbar og allt það!

Jæja, kominn til Jeddah hér í Saudi og bullið tók ekki nema 5 minútur að byrja er ég mætti. Nenni nú ekki að fara að bölvast yfir því, þá verður maður bara pirraður.
Jæja, en þar sem það er svo lítið að gera hérna, verð ég bara að leirast og bulla eitthvað svona mér til gamans (ekki mikið gaman hér).

Jeg er nú til Jeddah kominn,
jeminn eini hugsa nú,
Hér er enginn áfengissopinn,
Ekki heldur Kristin trú

Svin og sukk fást ei hér,
Svíður suma hart,
Allir hérna hugsa sér,
að hafa sig á burt, snart!

Í nótt flýg ég til Íran, nánar tiltekið Izfahan, hef farið þangað áður, en á bakaleiðinni þurfum við að koma við á “skemmtilegasta og besta stað veraldar”, nei ég er ekki að tala um Kópavog, hvað þá, jú, ekkert annað en Medinah!!!!!!!!!!!!!!!!!!!!!! Þar sem bacon-ið er framleitt úr úlföldum (að ég held), þar sem vínið er búið til úr kartöflum (óáfengt að sjálfsögðu) og heilarnir búnir til úr sandi (það veit ég fyrir víst).

Skólinn er byrjaður hjá Liljunni og allt farið af stað sem tilheyrir haustinu. Vonandi tekst okkur að klára íbúðarskiptin næst þegar ég kem heim, lítur allt ljómandi vel út og vonandi verðum við algerlega flutt af Fálkagötunni um mánðarmótin. Já, lífið er yndislegt þessa dagana, nema eitt, þ.e. að Lilja er heima en ég úti og það er ekkert sérstaklega skemmtilegt, ástin mín, sakna þín!

Á næstunni er von á smásögu hér á blogginu um Kára og Kulda , vonandi tilbúin næst!

Shukran (takk fyrir).

Wednesday, August 30, 2006

Buenos Tartez

Jæja, nú er maður farinn út aftur og heimveran búin í bili. Hins vegar var tíminn heima nýttur heldur betur og karlinn búinn að gera við allar sprungur og mála allt glæsilega á þessum tíma í nýju íbúðinni. Ég verð bara enn og aftur að leirast!

Já, það liggur við að maður sé enn sveittur, þreyttur, en beittur og vel skeintur eftir þetta allt saman.
Mér héldu engin bönd, lagði á íbúð lokahönd og hélt svo aftur af stað út í lönd, verð vonandi sólbrúnn í framan.
Á meðan öllu þessu stóð, Liljan upplýsingum í sig hlóð, fór í próf og fékk sjö í einkunn!
Eftir það var gaman, því saman, fengum við málningu í framan, svo á innflutningspartýi verður engin seinkun.

Jæja, nú er nóg komið af bulli.

Það hefur mikið gengið á upp á síðkastið, Lilja brilleraði í hjúkkunni, reyndar sama hvað hún gerir, alltaf brill hjá henni.
Það er búið að ljúka öllu í T23 og næst á dagskrá er að flytja inn dót þegar ég kem heim eftir þessa útiveru.

Ég náði þó nokkrum sinnum að taka frí frá spasli o.þ.h. og fór t.d. að sjá snilldar tónleika með Messoforte á Menningarnótt. Þeir voru svo góðir að það fór nánast hrollur um mann þegar þeir spiluðu. Nokkur golfmót voru einnig á dagskrá og fór maður nú nokkrum sinnum ekki tómhentur heim, 2 bikarar komnir í safnið, var kominn tími á þá þar sem hinir voru orðnir full gamlir, þið skiljið. Jájá, heldur betur gott tímabil síðast. Reyndar er gaman að segja frá því að myndir eru af karlinum á www.golfmyndir.is, svolítið skrýtinn vefur, en venst og er í raun þvílíkt flottur, mæli með honum.



Eins og sjá má á myndinni skín einbeitingin úr augum manns, eye-of-the-tiger!!!

Ég verð nú einnig að minnast á það að ég kíkti ásamt Bertel, Hjalta og Grétari hjaltapabba, á landsleikinn um daginn, Ísland - Spánn, helvíti gaman á leiknum þó að 0-0 hefði verið niðurstaðan. Ég og Hjalti þeyttum lúðra eins og vindurinn en mikið óhapp átti sér stað í seinni hálfleik þegar hlutar af lúðri Hjalta rifnaði, þetta reyndist þó mikið happayndi því þá braut einn Spánverjinn gróflega af sér og nýttist þá lúðurinn til þess að púa á viðkomandi allan tímann eftir það, þannig að ef menn vilja púa einhvern niður í spað, þá mæli ég með að fá lúðurinn hans Hjalta lánaðan.

Leiðin liggur til Jeddah á föstudaginn, en á meðan hangi ég hér í Brussel þangað til. Von á Hjalta og Benna hingað á morgun og vonandi náum við aðeins að kíkja út á lífið (reyndar ekkert vonandi!!!).

Heyrumst öll hress fljótlega!

Tuesday, August 01, 2006

Guten Abend Damen und Herren

Jæja, þá er karlinn mættur til Frankfuhrt og urðu miklir og rosalegir endurfundir hjá mér, Hjaltanum og Rúnu. CNN var á svæðinu og tók myndir, því ég hafði ekki séð Hjaltann í heilar 2 vikur, þótti þetta mjög fréttnæmt og mikilvægt málefni og skilst mér að þetta verði sýnt á sama tíma og þegar sýnt verður frá endurfundum Norður- og Suður-Kóreubúa.
Rúnuna hafði ég hins vegar ekki séð mjög lengi og var gaman að sjá hana eldspræka og hressa í gær, því miður vorum við nú ekki alveg eins spræk í dag eins og vonir stóðu til en það verður bætt úr því fljótlega.
MIKIÐ ROSALEGA ER GOTT AÐ FÁ EITT SVONA ALVÖRU SCHNITZEL af og til!!! Það var svo ljúft í gær að það hálfa væri nóg, bara snilld að geta dottið í svona mat annað slagið. Svo miikið var étið að ég þurfti að fara í gym-ið í dag til að vega upp gagnvart áti gærdagsins. Annars er maður farinn að sakna heimahaganna, togar alltaf í mann þegar heimferð nálgast og ætla ég að gera allt sem ég get til að koma ástinni minni á óvart er heim er komið. Já, það verður eitthvað sniðugt.
Í dag var setið Emergency námskeið hérna hjá Atlanta, það var í fínu, frekar þurrt efni, en alltaf gott þegar svona er búið, á morgun fáum við svo að vita hvernig við komumst inn í flugvélina og svoleiðis, já, opnum hurðir, rennum okkur á rennibrautum og slökkvum elda og margt fleira, aksjón á morgun. Næstu dagar á eftir bjóða upp á fleiri námskeið með öllu tilheyrandi, það er í fínu lagi, sérstaklega á meðan Hjaltinn og Rúna eru í þessu líka. Snilld.
Maður er nefndur Mási, hringir allt í einu og þykist vera besti vinur manns, lætur ekki í sér heyra í marga mánuði, svo dúkkar bara upp símtal hérna í Frankfuhrt, hmmmm, eitthvað býr að baki hugsaði ég með mér, jújú, mikið rétt, karlinn ætlar auðvitað að sækja gleraugu fyrir systur hans á leðinni heim, ekki málið, en svo fór ég að hugsa málið, hmmm, ef ég læt systur Mása fá gleraugun, þá á hún auðvitað eftir að fá þvílíkt sjokk þegar hún sér Másann í réttu ljósi, nú er þetta stór spurning hvort þetta sé vinargreiði ;) Nú ætla ég að láta ykkur dæma hvað ég á að gera!
Systir hans sér hann svona í dag:

En ef ég læt hana fá gleraugun, þá sér hún loks hvernig Mási er sem er hér:


Jæja, þá hef ég lokið bullina af í bili! Kveðjur!

Sunday, July 30, 2006

Jæja, gott fólk

Þá er karlinn staddur í Brussel en er á leið til Frankfuhrt á morgun sem betur fer, því hér hundleiðist mér! Hér er ekki kjaftur enda sýndi það sig að ég og Hjalti héngum á skype í 3 klst viðstöðulaust og töluðum um nákvæmlega ekki neitt, en það sannar enn og aftur að Hjaltinn er alltaf að brjóta karlmannslögin sem hann bjó sjálfur til :-)
Jæja, Birkir var að svara einhverjum pósti hérna hjá mér og virtist liggja mikið niður fyrir, hann varð greinilega sársvekktur þegar ég uppljóstraði um fjölda bringuhára hans, þeim sannleika hefur hann átt erfitt með að kyngja síðustu misseri, en ljóstraði þá upp öðru sem ég ákvað að spara að nefna, en verður þó nefnt hér. Já, hann mætir í spandex í klassann, rosalegur, maður verður bara að leirast!!!

Spandex-kappinn í Classann mætir,
kokhraustur og frár,
Pósar og pjattast svo engu lagi sætir,
en peyjinn hefur engin bringuhár!

Í örvæntingafullri tilraun hans til að koma í veg fyrir áframhaldandi orðspor ákvað hann að fara í photoshop (forrit til að breyta myndum fyrir þá sem ekki vita) til að reyna að sýna fólki að þetta væri ekki rétt, en því miður Birkir, það virkaði ekki.
Þakka þér samt fyrir að líkja mér við hálendi landsins því það er nú svo fallegt að það er mikið hrós ;)
Annars verð ég að viðurkenna að Birkirinn er drengur góður og góður æfingafélagi og engu yfir að kvarta þegar kemur að hans character, liggur við að lágkúra hafi verið hjá mér að byrja á þessu, en stundum verður maður að krydda tilveruna ;)

Að öðru, heimferð er vonandi 6. ágúst, kannski 7. Það verður að koma í ljós, og hlakkar í manni að koma heim og hitta elskuna mína og hafa það "nice". Það skýrist vonandi á allra næstu dögum hvað verður.
Andlegur undirbúningur er hafinn fyrir framkvæmdir á nýju íbúðinni, konan hefur auðvitað fullt af hugmyndum sem þarf að koma í gagnið, auk þess sem spasl og sprunguviðgerðir fara í gang. Það verður auðvitað bara stuð, og svo er auðvitað snilld að Hjalti sé búinn að brjóta karlmannslögin svo illa að refsingin hans verður auðvitað að skúra hjá mér, og kannski að halda á ryksugunni á meðan ég bora ;)
Jæja, hættur að bulla í bili, óska Sigmundi Einari Mássyni til hamingju með Íslandsmeistaratitilinn í golfi, snilld hjá gaur, gerði vel og pakkaði liðinu saman, það hefði kannski ekki verið svo auðvelt ef ég hefði verið á landinu ;)

Chao for now!

Friday, July 28, 2006

Góða kvöldið

Jæja, þá er maður staddur í Houston Texas. Reyndar fer ég heðan í nótt, þannig að ekki eru margir klukkutímar eftir af veru minni hér. Það er ágætt, því hér erum við á flugvallarhóteli sem er reyndar ágætt en hér er því miður ekkert að gera, netið er þó frítt sem er mikil bæting á því sem oft hefur verið.
Houston er reyndar ekki mikið frásögu færandi, ekki glæsileg borg í neina staði, hef reyndar komið hingað áður og fannst mér þá þessi borg vera í töluvert lægri klassa heldur en t.d. San Antonio, Beumont, Dallas og Austin, en þó er hún mun betri heldur en El Paso, en hvað um það.
Flugvöllurinn hér ber frægt nafn, reyndar ekki upp á marga fiska þó, því hann heitir George Bush airport!!!! Það er reyndar allt í lagi, háir mér ekki neitt, en ég verð þó að viðurkenna að allt annað nafn en þetta hefði komið í huga mér ef ég ætti að hafa skírt þennan völl einhverju nafni, hver veit!
Nú styttist í verzlunarmannahelgi heima fyrir og svíður sárt að koma heim akkúrat þegar hún er búin, það verður væntanlega mikið stuð bæði í borginni og út á landi, ég og Lilja eigum svo margar góðar minningar úr Eyjunum að það er hálf sorglegt að missa af þjóðhátíð í þetta skiptið! Hugurinn verður þar þegar að því kemur!
Í nótt held ég til Brussel, verð þar víst í 2 daga áður en ég fer til Frankfuhrt, sjáum til hvort að það verði raunin, en heimkoma er sem fyrr áætluð heim þ. 7. ágúst og hlakka ég til þess að styðja elskuna mína í próflestrinum auk þess að gera nýju íbúðina fína á meðan maður er heima í næsta mánaði.
Vona að allir hafi það gott og kveðjur í bili!

Wednesday, July 26, 2006

Hvernig kemstu af í New York!

Gaur: How are you doing?
Ég: cheers
Gaur: How´s it going?
Ég: cheers
Gaur: There you go.
Ég: cheers
Gaur: Want another one?
Ég: cheers
Gaur: Can I help you?
Ég: cheers
Gaur: Are you ok ?
Ég: cheers
Gaur: cheers!
Ég: cheers.

Auðvelt ekki satt!!! :)

Jájá, ekki vandamálið, bara snilld að vera kominn til N.Y. aftur, átti reyndar ekki að gista hér, en þar sem ekki fékkst flug til Houston þá var bara skellt sér á einn auka dag hérna.
Ég tók Oestend út með glæsibrag í fyrrakvöld og gærmorgun! Fór ekki á hótel í Brussel heldur beint inn á herbergi til Hálfdáns flugvirkja í Oestend. Spiluðum pool og drukkum bjór og höfðum það nice, miklu betra heldur en að vera einn í Brussel og vita ekkert hvað maður á að gera. Tær snilld.
Oestend er skrýtið pláss, allt brjálað að gera þar á sumrin en breytist í draugabæ á veturna. Falleg lítil borg, ögn minni en Reykjavík. Bara gott mál. Var Valdi fl.vlrki þarna líka og skemmtum við okkur konunglega þarna.
Ljótt var að lesa um tepruskapinn hjá Hjaltanum í fyrrdag, agalegt að brjóta svona af sér gagnvart karlmennskulögunum, ég sting bara upp á því hér og nú að hann verði "baseraður" í Gatwick í framtíðinni og geti leikið sér með pungfreyjunum þar, það er minn dómsúrskurður :-)
Annnað mál, Birkir kominn með kaskeiti. Það var eitthvað storka minnimáttarkenndinni hjá honum að eiga ekki svoleiðis dót og nú fagnar hann sem aldrei fyrr, kannski að hann verði bara hjá Excel að eilífu vegna þess, svo stoltur er hann að allt í einu er hann ekki barn lengur, heldur kominn með 26 feit! bringuhár sem telst nú töluvert á þeim bænum (að mig minnir engin fyrir ;), hann fer væntanlega beint í world class þegar hann kemur heim og pósar sig þar í speglunum ásamt vinum hans sem hafa líklega ekki fleiri en 25 bringuhár, sjáum til, en ég óska honum til hamingju að vera kominn í bringuháraklíkuna ;) Ég hugsa nú að hann tapi bringuhárakeppninni þegar hann fer að pósa sig með Tyrkjunum þarna í Dalaman, þeir eru loðnari en górillur á besta aldri, ROSALEGT!!!
Nú fer orðleysið að nálgast, og þá er best að kveðja,

CHEERS!!!!!

Sunday, July 23, 2006

Barabb babb babbarabb barabb babb rabbarabb ba babb babb daddarabb barabb babb búbbidei .......
Stars spreading the news,
I´m leaving today,
I want to be a part of it, New York Ne-e-e-w York
....
I want to wake up
in a city that doesn´t sleep
.......
Ne--e---e-w York, Ne-w Y-o-o-o-o-o-o-o-o-o-o-o-o-orrrrrk!!!!!

Jamm, staddur í New York, borginni sem sefur aldrei, þetta er búið að vera hrein snilld að vera hér á Manhattan í 2 daga, skoðaði Empire State Building (fór þó ekki upp í þetta skiptið, of mikið að gera!) og kíkti á Rockefeller Center auk alls konar dæmis sem hægt er að tralla hérna. Tær snilld.
Hótelið statt hjá húsi Sameinuðu Þjóðanna (100m í burtu), og auðvelt að komast á milli staða á tveim jafn fljótum. Það var hins vegar ekki alveg eins auðvelt í dag, þar sem að ég keypti Drvier (Ping G5) ásamt vatnsbyssu til að hreinsa bíla og að lokum massa regnjakka sem þarf í golfið einnig.
Það er hreint ótrúlegur munur á að vera hér frekar en á Long Island þar sem borgin sefur nánast allan daginn!
Nóg um það!
Þarf því miður að fara héðan í nótt til baka til Brussel, verð þar í 2 daga áður en ég flýg aftur hingað, en þá staldra ég ekki lengi við hér heldur fer strax til Houston í framhaldinu. Þar á maður víst að vera í 2 daga áður en til Brussel verður haldið aftur þaðan. Það er ekki laust við að það hlakki í manni að fara til Frankfuhrt um mánaðarmótin og hitta "Rosalegasta mann norðan alpafjalla" í góðri stemmningu í nokkra daga, verður tær snilld.
Heimkoma verður svo 8. ágúst og þá tekur við meira golf og vinna í nýju íbúðinni en það þarf að spasla, mála, fá sér bjór, spasla meir, bjór, spasl, bjór, bjór, spasl, bjór, bjór, bjór, smá spasl, meiri bjór o.s.frv. ;)
Svo er auðvitað stefnt á gott innflutningspartý þegar að því kemur, það fyrsta var gott á Fálkagötunni, bíðið bara eftir því næsta!!! Það verður rosalegt!!!!!!!!!!!!!!!!!!

Að lokum,

Guten Abend Damen und Herren!

Thursday, July 20, 2006

Jæja, þá er maður mættur til Brussel. Það gekk þó ekki ævintýralaust fyrir sig því önnur eins ferð út hefur sjaldan komið upp á yfirborðið. Fyrst þegar komið var til Keflavíkur, var full út út dyrum og ég ætlaði bara aldrei að komast að skrifstofu Iceair til að ná í flugmiðann, svo "check-a inn " í framhaldi af því. Eftir nokkur olnbogaskot og læti komst ég þó að skrifstofunni og náði í miðann, þá tók við 5000 manna biðröð, ég var þó heppinn, sá mér færi á að nota nýjustu tækni og "checkaði mig inn" sjálfur, en það var þá ekki betra en það að "baggage drop off" hjá Iceair tekur lengri tíma en "check-in"!!! Ég stóð í 40 min einungis til þess að láta Iceair fá töskuna mína, jafnvel þó að ég væri búinn að "check-a inn"!!! Óþolandi!
Leiðin lá til Amsterdam og er ég kem þangað þá kemur í ljós að búið var að bóka flug á mig sem ég gæti aldrei náð, þannig að þá fóru rúmir 3 tímar í ekki neitt á Schiphol flugvellinum. Jæja, loks kemst maður nú í flug og rúllar yfir til Brussel. Þá var bara eitt eftir, EKKERT HÓTEL!!! Jájá, ekkert hótel handa karlinum og við tók 1,5 klst í að bíða eftir einni lítilli staðfestingu um það að ég ætti aið gista hérna fram á föstudag. Þetta var óneitanlega pirrandi, enginn kvöldmatur (mátti kannski alveg við því ;), dagurinn og kvöldið orðið handónýtt. Frekar pirrandi, en ég er núna á fínú hótelherbergi og hóteli í Brussel, lítur allt ljómandi vel út og svo á ég að fljúga á morgun til N.Y. Það átti að vera í dag, en smá seinkun (sóllarhringur) er á því flugi.

Nú að skemmtilegri hlutum :)

Þau stórmerkilegu tíðindi hafa átt sér stað að ég og Lilja eru búin að festa okkur kaup á nýrri höll!!!!!!!!!!!!!!!!!!!!!!!!!!!!!!!!
Höllin er staðsett í Tröllaborgum 23 í Grafarvogi (ekki nóg pláss fyrir svona höll í miðbænum ;) er 120 fm með bílskúr, á efstu hæð (3. hæð) með útsýni alveg til Norðurs og Vesturs, geggjað dæmi. Stefnt verður að undirbúiningi til flutnings í lok ágúst, þ.e. kem heim 8. ágúst og spasla væntanlega í 2 vikur og mála áður en við rúllum okkur þar inn.

Kveðjur á frónið sem mér skilst að hafi lagað veðrið akkúrat þegar ég og Hjalti fórum burt.

Saturday, July 15, 2006

HOLA Í HÖGGI!!!!!!!!!

Jæja, nú er glatt á hjalla, heldur betur, karlinn smellti holu í höggi á 2. braut á Nesvellinum þ. 11.07 nýverið.
Það er ekki ónýtt að uppgötva það að maður sé á meðal þeirra bestu í þessari grein :)
Höggið var slegið með SW (Sand Wedge), og var þetta hreint magnað golfhögg!!!!!!!

Annars verður maður nú að byrja að afsaka ótrúlegt bloggleysi upp á síðkastið, hrein ritstífla í gangi og ekkert markvert gerst þannig.
Ísraelar komnir í sannkallað banastuð, orð að sönnu, því nú vilja þeir bana Hizbollah (ekki skrýtið), olíuverð hækkar og allur pakkinn.
Það er ljóst að ég fer út næsta miðvikudag, er förinni heitið til Oestend í Belgíu, verð baseraður þar næstu vikur, fljúgandi þaðan til N.Y. og Houston.
Reyndar í lok mánaðarins fer ég til Frankfuhrt á upprifjunarkúrs ásamt fleiru því tengdu, og kannski að maður fái að opna hurðir o.þ.h. til tilbreytingar á vélinni.

Birkir var með skot um að ég væri á reynslulausn á blogginu hjá honum, það er eðlilegt en á næstunni mun maður vera skárri með skrifin.

Sumrið hér er ekki glæsilegt, reyndar eitt það lélegasta sem ég man eftir langa lengi, hvar eru dagarnir sem maður getur setið úti og drukkið kaffi niður
á austurvelli með öllu tilheyrandi, hvar er blíðviðrið, þetta eina sanna sem Ísland var orðið svo frægt fyrir, nú fer maður að vera hræddur við veturinn fyrst sumarið er svona, agalegt!

Næst á dagskrá er golfmót í Garðabæ á morgun, auk þess sem reynt verður að fljúga Yak-inum eitthvað næstu daga áður en haldið verður út til Belgíu.

Kv. Champinn

Sunday, May 14, 2006

Lallalaralla, larallalallaralla larallalalla lala, darúddí dí daddí darúddíd dí daddí, og svo "því vér erum hraustir menn!!!, látum þá alla, sverfa til stáls" eða eitthvað þannig!
Eins og sjá má er þetta upphaf að hinu vinsæla lagi Hraustir menn, en það á vel við þessa dagana þar sem gym-ið er tekið svoleiðis í bakaríið hérna að það hálfa væri nóg, enda ekki nóg með það heldur er spilað golf á fullu líka þannig að ekki ætti mann að vanhaga hreysti þessa dagana!
Luxembourg er fínasti staður á þessum árstíma, gott að spila golf þó dýrt sé að vísu, snilld að hafa Siggeir snilling sem bílstjóra, en ég hef aðeins pælt í því þó að fá mér bíl og hafa hérna einhvers staðar í Evrópu, jafnvel hér.
Heimför er áætluð á þriðjudaginn, kannski degi fyrr, sjáum til með það, hins vegar fréttist af einum massa gröðum sem skellti sér heim 2 dögum fyrr vegna mikillar stíflu sem safnaðist á einungis 3 dögum hjá honum, hefur honum verið ráðlögð sálfræðiráðgjöf, því hann eins og Michael Douglas hafa greinilega fengið kynlífssýki eftir allt þetta Basic Instinct dæmi :-)
Heil og sæl!

Saturday, May 06, 2006

Góðan og blessaðan daginn!

Jæja, nú hefur margt gerst frá síðasta bloggi, heldur betur.
Ég fékk mér morgunmat hér á Hilton og endaði hann með þvílíkri matareitrun
að það hálfa væri nóg, ældi og spældi eins og vitlaus væri.
Það er nú loks almennilega gengið yfir og nú tekur ræktin við enn á ný. Hún verður
samtvinnuð golfinu sem maður mun heldur betur spila hér næstu dagana.
Skrapp til Azerbajan í fyrrakvöld, var þar í heilan dag, gekk um bæjinn og leiddist
það ekki, en ekki mun ég segja að þetta sé falleg borg, breytist m.a.s. í svona
"ghosttown" á kvöldin því þeir eru ekkert að spandera pengene í ljósakostnað.
Hlýnaði þó um hjartarætur við að sjá leigubílana, sem 90% voru bara gömlu góðu
Lada-bifreiðarnar, í vægast sagt misjöfnu ásigkomulagi, en sumir voru þó ansi grand
á því þarna og búnir að setja álfelgurnar á þær fyrir sumarið!
Á hótelinu hitti ég frægan mann, þori vart að segja frá því en Ahmediani (eða hvað
sem hann heitir) forseti Írans var þarna á hótelinu á orku-fundi með öðrum leiðtogum
landanna þarna í kring. Horfðum við hvor á annan augliti til auglitis og var ég ekki
frá því að dead-lookið mitt hafi komið honum í opna skjöldu. Kannski að vitkist
eitthvað karlinn við þetta! Af kaupum úr þessari ferð varð ekki mikið, 2 DVD diskar, annar diskurinn tónleikar með Sheryl Crow og hinn myndbönd með Tinu Turner, er hægt að hugsa sér það betra? Held ekki! Eitthvað verður maður að hafa hérna í Lux þegar lítið er um að vera (sem er nokkuð oft!). Hins vegar get ég ekki kvartað yfir þessu núna því Siggeir gamli snillingur Sverrisson hefur tekið mig í leiðsögn um Luxembourg og nú þegar karlinn er kominn á bílinn sinn aftur hérna höfum við lagt Lux undir fót (eða hjól) og skellt okkur í miðborgina og tekið aðeins út dæmið hérna. Hrein snilld, en ég mæli með því til allra að bíllaus hér í þessu landi er ómögulegt að vera!

Wednesday, May 03, 2006

Matareitrun með meiru!

Góðan dag, hjá mér hefur hann ekki verið of góður, svaf ekkert í nótt vegna gubbupestar og niðurgangs, allt í boði Hilton hótelsins hér í Lux. Já, ég kenni Hilton um þetta því ég borðaði hér í fyrrakvöld, og varð strax slæmur í vömbinni eftir það, svo ágekkst þetta í gær, þannig að´í nótt var maður gersamlega dauður!!! Ældi og og gerði númer 2 til skiptis í alla nótt! Þannig að Hilton hótelið hér býður upp á stofufangelsi og matareitrun!!!
Er aðeins að braggast sem er eins gott því ég á að fara til Baku á morgun, kem svo til baka hingað á laugard. og verð þá hér stuck í viku án þess að gera neitt, golf og meira golf ef heilsan leyfir!

Tuesday, May 02, 2006

Góðan dag góðir bloggaragestir!

Jæja, nú er lag, búinn að taka simmann í bakaríið í Frankfuhrt og allt í fínum gír. Það var auðvitað haldið upp á það með pompi og prakt á sunnudagskvöldið og endaði það með smá þynnku daginn eftir.
Karlinn svo sendur með Siggeiri snillingi Sverrissyni til Luxembourg og er þar nú. Hér er ekkert að gera án bíls, þ.a.l. leigðum við félagarnir einn í dag og komum okkur út úr stofufangelsinu sem er í boði Hilton, það er ekki einu sinni hægt að éta þar vegna brauðs sem er jafn hart og tvíbökur ásamt fleiru.
Jæja, nóg af því, spilaði golf í dag og haldið þið að ég hafi bara ekki rekist á haug af Íslendingum á vellinum, þeir voru frá KB Banka (ég kalla hann reyndar núna KGB Banka ;) og voru í fínum gír, reyndar 4 samtals og þ.a.l. gat ég ekki spilað með þeim, svo hitti ég Birgi Leif, margfaldan Íslandsmeistara og atvinnumann í golfi, hann var við æfingur og ég var ekkert að trufla hann því hann þarf að gera betur ef hann vill eiga roð í mig ;)
Golfið gekk annars fínt, glæsilegur dagur, sól og alles, og ekki laust við að maður hafi náð sér í smá brúnan lit, sem allir vita að mér finnst svo fallegur ;)
Náði sem sagt að eyða deginum í sumri og sól og át svo með Siggeiri á fallegum ítölskum restaurant en fékk mér nú ekkert fallegra en pizzu.
Aftur golf á morgun, svo flug til Baku í Azerbajan á fimmtudag. Maður tekur það place út almennilega og kem svo aftur hingað á laugardag til að hanga og gera ekki neitt í heila viku, held ég fari bara í golf ;)
Kveðjur á frón og ákskorun á Birki um meira blogg!!!

Tuesday, April 18, 2006

Góðan dag gott folk nær og fjær sem endranær

Jæja, maður gekk til mín í dag, fullur af gasi (ekki að tala um sjálfan mig ;) og sagði mér að hann væri svo góður í ballskák að það hálfa væri nóg, nú væri svo komið að ég þyrfti að mæta og spila við hann því hann ætti harma að hefna síðan síðast (sem ég persónulega mundi ekki eftir). Jæja þá, eftir feitan kaffibolla á Thorvaldsen var ákveðið að ég og þessi maður myndum útkljá þetta mál eftir kvöldmat. Ég mæti á svæðið og sé þá þetta líka þvílíka professional gaur, með eigin kjuða og alles, m.a.s. eigin krít!!! Ég sá fyrir mér mikið og erfitt verkefni því þessi maður virtist vera þvílíkt heitur (að hans eigin sögn). Jæja, það er byrjað, gaurinn segir “þú færð fyrsta “break-ið” félagi” og ég opna fyrsta rammann með stæl, opnaði reyndar með svo miklum stæl gaurinn gersamlega átti ekki séns, jæja, 1-0 sagði hann og gerði ráð fyrir því að þetta væri nú ekki alvarlegt, svo leið tíminn og það varð 2-0, 3-0, 4-0, 5-0, 6-0, þegar þarna var komið við sögu var gaurinn orðinn svolítið pirraður en ég reyndi að róa hann og sagðist gefa honum mjólkurglas ef hann ynni einn leik ;) Jæja, áfram gakk, 7-0, varð nú gaur orðinn verulega sár, “ég fer ekki fyrr en ég er búinn að vinna einn leik”, 8-0, “hættur”!!!!!!! Tekið skal fram að á endanum bauð hann mér svo heim í kaffi sem eru auðvitað bestu verðlaun sem hugsast getur ;) Takk fyrir það félagi!
Að öðru, styttist nú í að karlinn eigi afmæli, það verður ekki haldið upp á það með bingó-kvöldi eins og mér sýnist Birkir vera að plana sitt ;) Það verður eitthvað gert en það verður tilkynnt síðar.

Kærlig hilsen!!!

Thursday, March 30, 2006

Góðan dag góðir hálsar

Jæja, lítið að frétta af karlinum sjálfum en þó eitthvað, jú, maður puðar og puðar í "gym-inu" alveg eins og ég veit ekki hvað því jú eitthvað verður maður að sýna einkaþjálfaranum þegar maður kemur heim á skerið ;)
Annars vil ég þakka fyrir prýðisþátttöku í spurningaleiknum steinasteik þar sem sumir kanditatar fóru fram úr björtustu vonum í stigagjöfinni, má þar nefna mömmu, Bjarna Rafn, og Birki megamassa! Já, þetta kom bara vel út og aldrei að vita nema annað svipað kunni að læðast á þetta blogg seinna meir, verst er að nú hef ég verið krafinn um verðlaun í þessari keppni, verðlaun!!! Ég lagðist í þunga þanka hver verðlaun í svona magnaðri keppni ættu að vera og komst að því að það má ekki vera neitt slor, því þetta jafnast auðvitað á við "Meistarann" sem Logi Bergmann stýrir á Stöð2 ;) Þ.a.l. hef ég ákveðið að verðlaunin séu fyrir alla sem tóku þátt, þau eru ábending á þetta skemmtilega lag "Ballantines" sem sungið er af Valgeiri Guðjóns og Köntrísveit Baggalúts!!!! Geri aðrir betur :)
Þetta er snilldar lag sem aldrei verður of oft spilað ;)
Annars virðist heimurinn vera að fara fjandans til þessa dagana, Ítalir að sýna gestrisni (síðan hvenær!!!!) með því að bjóða Afghana friðhelgi þar, Apple er í máli við Apple, fjöldamótmæli í USA gegn lögum um ólöglega innflytjendur sem endar á því að nýr hálfgerður Kínamúr verður settur á milli Mexico og USA 1000km langur takk!!! Ekki í fyrsta skipti sem Kaninn fer í ruglið sem sést best á því að John Livingston Borgarstjóri Lundúnaborgar er æfur í sendiherra Bandaríkjanna í Bretlandi því hann neitar að borga umferðarskatta sem allir greiða þegar þeir fara á eigin bíl inn í London, er þetta ekki týpískt dæmi um bullið, sérstaklega þar sem þessi álfur er nú mikill vinur Georgs gírlausa þarna í Camp David!!!
Hins vegar er margt gott, eins og tvennir stórtónleikar heima fyrir sem maður missir af, Katie Melua á þar efsta sætið ásamt Baggalútsmönnum, já, Baggalútur á NASA annað kvöld á miðnætti, og Katie Melua verður í höllinni að ég held ?
Nú er maður farinn að hlakka til að koma með sólina á klakann og skella sér í góðan gír með elskunni, og taka eitt próf þ. 7. apríl í skólanum. Fínt mál og hlakka til að sjá ykkur öll!
Auf Wiedersehen