Takk fyrir árið sem er að líða
Gott fólk nær og fjær, nú sit ég og pæli í árinu sem er að líða ásamt því að velta því fyrir mér hvað gerist á næsta ári. Akkúrat þegar þetta er skrifað er ég með nýjustu plötu Eagles í eyrunum og verð að viðurkenna að þetta er lang besta plata sem hefur komið út í háa herrans tíð. Eiga þeir mikið lof skilið fyrir frábæra plötu sem iljar manni þegar veður er vont og lítið annað að gera en að hanga inni og sötra kaffi og kakó (kakó bara stundum). Eagles er hreinlega ein mesta snilldar hljómsveit allra tíma og færi ég þeim hljómsveitarmeðlimum heillaóskir með von um nýja plötu á komandi ári.
Árið hjá mér hefur verið undarlegt, fróðlegt, merkilegt, fallegt og gjöfult. Í upphafi árs stóðst ég ekki mátið og skipti um vinnustað og margt breyttist í kjölfarið á því. Bómull segja sumir, nagli segi ég og stend við það J
Félagarnir í kringum mig ákváðu allt í einu að fara að þjóna tilgangi lífsins, en hann er auðvitað sá að fjölga mannkyninu ef ég skil þetta allt saman rétt. Hreint ótrúlegt hrina sem átt hefur sér stað í barneignum félaganna á árinu og er það hið besta mál.
Flugið hefur að sjálfsögðu átt sinn stóra sess á árinu og hefur maður komið víða við, en að þessu sinni nenni ég ekki að monta mig af því hvar ég hef verið heldur vil ég frekar monta mig af því hversu mikið heima ég hef verið á árinu, og það er svo hrikalega þægilegt og gott að ég fæ aldrei leið á því.
Þegar maður hugsar til baka og hugsar út í flug sem maður hefur farið til Kosovo, Lagos, Khartoum, Lahore, Karachi og fleiri stríðshrjáðra borga og landa hugsar maður hvers vegna allt þetta helvíti þurfi að eiga sér stað. Það er oft sem maður hugsar til þess hvernig heimurinn væri ef t.d. Martin Luther King og Gandhi væru uppi á okkar tíma. Menn sem breyttu heilu skoðakenningum starfsbræðra sinna og þjóðar sinnar allrar. Menn án spillingar og fordóma gagnvart nokkrum. Gandhi, sem gat haldið trúarhópum múslima og hindúa í friði allt í þágu réttlætis og sjálfstæðis Indlands. Dr. Martin Luther King hefði getað verið gott afl í Afríku, karakter í líkingu við hann sárvantar í Afríku þessa dagana, Bob Geldof lætur fólk syngja um það en enginn hefur fundist til að koma af stað fagnaðarerindi friðar og réttlætis. Ég hef því miður of oft sagt að fólk í löndum eins og Nígeríu og mörgum öðrum Afríkulöndum sé ekki við bjargandi, en þegar hugsað er til baka held ég að heimurinn í dag þarfnist manna sem geta breytt heiminum með friðsamlegum hætti. Áramótaheitið í ár er því einfalt, að tala vel en ekki illa um íbúa þess hluta jarðarinnar sem minnst eiga og minnst fá. Því miður eru 386 dagar þangað til George Bush hættir sem forseti USA og því er það ekki fagnaðarefni fyrr en á þar næsta ári að hann hætti, en vonumst til að Hillary Clinton taki kosningarnar í nóvember og verði þar með fyrsta konan til að gegna forsetaembætti USA. Það er kominn tími á breytingar!
Látum nú árið 2008 vera tíma breytinga!
Gleðilegt ár
Tuesday, December 25, 2007
GLEÐILEG JÓL
Þorláksmessa var runnin upp og ég í N.Y. Ég var pirraður, jólin haldin fjarri fjölskyldunni að öllum líkindum í Brussel því þangað átti ég að fljúga aðfaranótt Aðfangadags og hanga svo þar yfir jólin. Ekki þótti mér þetta skemmtilegt, og síður en svo þegar ég frétti að ég ætti svo ekki að fljúga sjálfur heldur átti bara að fljúga sem farþegi eins og þetta væri akkúrat það sem maður vildi á jólunum, þ.e. að vera í 30 þús. fetum að éta kjúkling í ógeði og drekka instant Nescafé með mjólk, þetta var ekki alveg draumurinn, verð að viðurkennna það. Eftir að hafa spurt mína menn betur út í þá ástæðu að ég ætti ekki sjálfur að fljúga og fékk skrýtin svör, ákvað ég að lokum að segja stopp, hvað er maður að gera, ég hangi ekki í þessu rugli, kem mér bara heim!!! EINA LEIÐIN! Nú fór klikkað ferli í gang sem endaði á því að ég keypti mér miða heim frá N.Y. pakkaði í töskuna og rauk út á flugvöll (heppinn að fá miða, vélin var pakkfull), reyndar rauk maður ekkert þannig út á flugvöll því það tók fok*"#$ 1 klst og 15 min að keyra þangað því umferðin var svo svaðaleg. Jæja, svo var beðið og beðið og beðið eftir mínum mönnum, veður var slæmt og erfið skilyrði en að endingu fór vélin í loftið og var ég kominn í T23 kl. 11 að morgni í gær, JIBBÍ!
Eitt er það sem maður alltaf finnur á jólunum, hvað þau eru alltaf lang best heima á Íslandi, það er einhvern veginn aldrei sami stemmarinn annars staðar á jólunum, viti menn, líka bara hvít jól í ár, magnað max. Eitt vantar þó all rosalega, hún Lilja mín er stödd á Ítalíu í skíðaferð því ekki hafði verið gert ráð fyrir mér heima um jólin og því hafði hún ákveðið að drífa sig í skíðaferð til Madonna. Svona er nú bara heimurinn stundum, "life is like a box of chocolate, you never know what you´re gonna get". Hennar er sárt saknað núna en það verður bara enn skemmtilegra þegar hún kemur heim í byrjun janúar, þá höfum við okkar eigin jól ;)
Elskum nú friðinn og strjúkum á okkur kviðinn eftir jólasteikurnar.
Lifið heil og hafið það sem allra allra best um jólin,
kv.
Champinn
Sunday, December 16, 2007
Allt frá pungaprófi til gítars
Það hefur ansi mikið staðið á þessu bloggi sem nú er skrifað því blogg sem ég var nánast búinn að klára um daginn þurrkaðist óvart út og ég var ansi lengi að nenna að byrja aftur, en læt hér nú loksins vaða.
Frá 1. desember sl. Hefur margt drifið á daga mína, fyrst var ég heima og hafði það gott í nokkra daga, tók pungaprófið, safnaði olíu á föt og putta með því að skipta um generator á litla Rússanum og peppaði upp hana Lilju mína undir komandi próf.
5. des var haldið aftur af stað út til Brussel. Brussel breytist lítið á tæpum 2 vikum en það er þó ágætt að hanga þar þegar maður hefur topp menn með sér á staðnum. Gummi Jónbjörnss. var þarna mættur og náðum við nokkrum dögum í fínni stemmningu.
Einn daginn mætti Jóhanna Gylfa á svæðið því Iceair þvælist líka stundum til Brussel, Óskar V mætti líka og lagði hópurinn Brussel undir fót og þrammaði gjörsamlega út um alla borg, í þessum göngutúr sáum við lítinn gosbrunn sem var höggmynd af pissandi dreng(eitthvað fræg stytta, man ekki af hverju) og má segja að miðað við þennan dreng þurfi Beckham ekki að skammast sín mikið ef tekið er tillit til síðustu nærfataauglýsingar kappans.
Þau undur og stórmerki áttu sér svo stað eftir nokkra daga viðveru að Halli Óskarss. mætir á svæðið og við fljúgum saman til N.Y. og Houston (leiðin liggur reyndar þaðan á morgun til Brussel aftur), í þessum túr kláraði Halli kafteins “check-inn” sinn og þ.a.l. mikil stemmning á okkar bæ, má segja að hellt hafi verið svolítið af rauðri málningu í bænum í N.Y. Gaman að því og Halli vel að þessu kominn enda eðal maður þar á ferð.
Ég ætla nú ekki að tjá mig mikið um Houston, best að segja að þetta sé með leiðinlegri stöðum sem maður kemur á í USA, Sears er nálægt en það er það eina.
AÐAL ATRIÐIÐ í þessum túr er að sjálfsögðu það að karlinn keypti sér mega flottan massa snilldar ævintýralega rosalega geðveikt flottan og öflugan gítar. Myndin segir nánast allt sem segja þarf en hvað um það, hann er geggjaður og þvílíkt gaman og gott að spila á hann, sá albesti sem ég hef prófað. Hægt er að segja að ég hafi nánast verið að fara úr límingunum í prófunum á alls konar Gibson gítörum upp á síðkastið. Góð ráð frá Hjaltanum komu að góðu gagni eins og venjulega (alltaf hægt að stóla á Hjaltann, m.a.s. þegar velja á drykki handa nýskriðnum kafteini, Tom Collins klikkar ekki!) og voru þau veigamikill þáttur í valinu sem á endanum varð Gibson Les Paul Studio. Nú er að sjálfsögðu takmarkið að “out-solo-a” Hjaltann við fyrsta tækifæri ;)
Það hefur ansi mikið staðið á þessu bloggi sem nú er skrifað því blogg sem ég var nánast búinn að klára um daginn þurrkaðist óvart út og ég var ansi lengi að nenna að byrja aftur, en læt hér nú loksins vaða.
Frá 1. desember sl. Hefur margt drifið á daga mína, fyrst var ég heima og hafði það gott í nokkra daga, tók pungaprófið, safnaði olíu á föt og putta með því að skipta um generator á litla Rússanum og peppaði upp hana Lilju mína undir komandi próf.
5. des var haldið aftur af stað út til Brussel. Brussel breytist lítið á tæpum 2 vikum en það er þó ágætt að hanga þar þegar maður hefur topp menn með sér á staðnum. Gummi Jónbjörnss. var þarna mættur og náðum við nokkrum dögum í fínni stemmningu.
Einn daginn mætti Jóhanna Gylfa á svæðið því Iceair þvælist líka stundum til Brussel, Óskar V mætti líka og lagði hópurinn Brussel undir fót og þrammaði gjörsamlega út um alla borg, í þessum göngutúr sáum við lítinn gosbrunn sem var höggmynd af pissandi dreng(eitthvað fræg stytta, man ekki af hverju) og má segja að miðað við þennan dreng þurfi Beckham ekki að skammast sín mikið ef tekið er tillit til síðustu nærfataauglýsingar kappans.
Þau undur og stórmerki áttu sér svo stað eftir nokkra daga viðveru að Halli Óskarss. mætir á svæðið og við fljúgum saman til N.Y. og Houston (leiðin liggur reyndar þaðan á morgun til Brussel aftur), í þessum túr kláraði Halli kafteins “check-inn” sinn og þ.a.l. mikil stemmning á okkar bæ, má segja að hellt hafi verið svolítið af rauðri málningu í bænum í N.Y. Gaman að því og Halli vel að þessu kominn enda eðal maður þar á ferð.
Ég ætla nú ekki að tjá mig mikið um Houston, best að segja að þetta sé með leiðinlegri stöðum sem maður kemur á í USA, Sears er nálægt en það er það eina.
AÐAL ATRIÐIÐ í þessum túr er að sjálfsögðu það að karlinn keypti sér mega flottan massa snilldar ævintýralega rosalega geðveikt flottan og öflugan gítar. Myndin segir nánast allt sem segja þarf en hvað um það, hann er geggjaður og þvílíkt gaman og gott að spila á hann, sá albesti sem ég hef prófað. Hægt er að segja að ég hafi nánast verið að fara úr límingunum í prófunum á alls konar Gibson gítörum upp á síðkastið. Góð ráð frá Hjaltanum komu að góðu gagni eins og venjulega (alltaf hægt að stóla á Hjaltann, m.a.s. þegar velja á drykki handa nýskriðnum kafteini, Tom Collins klikkar ekki!) og voru þau veigamikill þáttur í valinu sem á endanum varð Gibson Les Paul Studio. Nú er að sjálfsögðu takmarkið að “out-solo-a” Hjaltann við fyrsta tækifæri ;)
Hrósið:
Hrósið fær Hjaltinn, flugbróðirinn mikli, fyrir góð ráð í þágu tónlistar og menningar, og einnig fyrir að vera vel liðtækur við skipti á generator á litla Rússanum.
Lastið:
Lastið fær Marriott hótelið hér í Houston, það er á svo lélegum stað að það er ekkert eðlilegt. Út um gluggan horfi ég á flugvélar ca. 30m frá mér, og vaknar maður á nóttunni við það að vélar eru að starta mótorum fyrir utan gluggan. Já, flugvallarhótel eru ömurleg, sérstaklega þegar maður hangir á þeim í meir en 3 daga!!! Sakna Doubletree hótelsins sem var sínu skárra þó það væri langt út úr borginni líka.
Læt þetta duga í bili,
kveðjur til allra,
Chao
Saturday, December 01, 2007
Vantar vinnu, er með punginn!
Fyrirsögnin á sér rætur að rekja til atvinnuauglýsingar sem hengd var upp á útidyrahurðina á hinum virta og fræga matsölustað Kaffivagninn úti á Granda fyrir þó nokkru. Ekki laust við að maður gæti verið í svipuðum hugleiðingum þar sem maður kláraði nú prófin í pungnum í gær og gekk allt vel og eðlilega fyrir sig. Spurningin bara sú hvort maður orði sína auglýsingu aðeins betur :)
Í annað. Mikið rosalega er gaman að koma heim á skerið í 50 hnútum og banaröffi nánast alla daga hérna á þessu mikla og skemmtilega túristalandi þar sem náttúran er svo óspjölluð aðallega vegna þess að fólk fýkur út í buskann þegar það kemur hingað og höfuðborg hér fer nánast eftir vindátt. Meðan landið fýkur burt ........
Þetta er lygileg veðrátta hérna og Birkir gerir tilkall til hróssins á þessari síðu með því að halda sig svona langt og lengi í burtu frá skerinu, en heyrst hefur að ríkisstjórnin sé að hugsa um að svipta hann ríkisborgararétti vegna þeirra fáu daga sem hann gistir heima á fróni, auk þess sem hann klikkar á að halda áramótapartý loksins þegar karlinn getur mætt!!
Annars er stefnan tekin á Jakana núna þegar þessu pungaprófi er lokið og vonandi fer nú veðráttan að lagast með tilheyrandi flugi og skemmtilegheitum. Karlinn búinn að endurnýja medical-ið hjá sér og allt til reiðu til áframhaldandi flugs. Stefnan tekin á að plata Hjaltann í túra og klára þar með tjekkinn á stóra yak-inn.
Eitt er vert að minnast á hér. Maggi og Magga voru að eignast strák, heilar 18 merkur og næstum jafn stór og ég, rosalegt! Ég óska þeim að sjálfsögðu innilega til hamingju, glæsileg frammistaða.
Að öðru leyti er lítið til að tala um. Fer út aftur næsta föstudag, þ.e. 7. des. Leiðin liggur þá aftur til Brussel og flug til N.Y. og Houston mun halda áfram hjá mér. Ekkert að því þó svo að kanarnir geti stundum verið ansi þreyttir á ðí.
Hrósið
Hrósið fær hinn mikli snillingur Bill Clinton fyrir að vera frábær karakter og lang lang lang besti stjórnmálamaður í öllum heiminum auk þess að vera KR-ingur og sannur viðskiptavinur Bæjarins bestu! Birkir er í 2. sæti í þessu bloggi!
Lastið
Veðurguðirnir fá lastið í þessum pósti, þar sem gersamlega ómögulegt hefur verið að þrífa bílinn, spila golf, eða bara gera hvað sem er, þvílíkt rugl í gangi með veðrið. Hér með áskorun til þeirra að laga þetta aðeins, alla veganna þannig að maður geti staðið í lappirnar!
Lifið heil og skemmtið ykkur nú öll í desember, það er skylda :)
Fyrirsögnin á sér rætur að rekja til atvinnuauglýsingar sem hengd var upp á útidyrahurðina á hinum virta og fræga matsölustað Kaffivagninn úti á Granda fyrir þó nokkru. Ekki laust við að maður gæti verið í svipuðum hugleiðingum þar sem maður kláraði nú prófin í pungnum í gær og gekk allt vel og eðlilega fyrir sig. Spurningin bara sú hvort maður orði sína auglýsingu aðeins betur :)
Í annað. Mikið rosalega er gaman að koma heim á skerið í 50 hnútum og banaröffi nánast alla daga hérna á þessu mikla og skemmtilega túristalandi þar sem náttúran er svo óspjölluð aðallega vegna þess að fólk fýkur út í buskann þegar það kemur hingað og höfuðborg hér fer nánast eftir vindátt. Meðan landið fýkur burt ........
Þetta er lygileg veðrátta hérna og Birkir gerir tilkall til hróssins á þessari síðu með því að halda sig svona langt og lengi í burtu frá skerinu, en heyrst hefur að ríkisstjórnin sé að hugsa um að svipta hann ríkisborgararétti vegna þeirra fáu daga sem hann gistir heima á fróni, auk þess sem hann klikkar á að halda áramótapartý loksins þegar karlinn getur mætt!!
Annars er stefnan tekin á Jakana núna þegar þessu pungaprófi er lokið og vonandi fer nú veðráttan að lagast með tilheyrandi flugi og skemmtilegheitum. Karlinn búinn að endurnýja medical-ið hjá sér og allt til reiðu til áframhaldandi flugs. Stefnan tekin á að plata Hjaltann í túra og klára þar með tjekkinn á stóra yak-inn.
Eitt er vert að minnast á hér. Maggi og Magga voru að eignast strák, heilar 18 merkur og næstum jafn stór og ég, rosalegt! Ég óska þeim að sjálfsögðu innilega til hamingju, glæsileg frammistaða.
Að öðru leyti er lítið til að tala um. Fer út aftur næsta föstudag, þ.e. 7. des. Leiðin liggur þá aftur til Brussel og flug til N.Y. og Houston mun halda áfram hjá mér. Ekkert að því þó svo að kanarnir geti stundum verið ansi þreyttir á ðí.
Hrósið
Hrósið fær hinn mikli snillingur Bill Clinton fyrir að vera frábær karakter og lang lang lang besti stjórnmálamaður í öllum heiminum auk þess að vera KR-ingur og sannur viðskiptavinur Bæjarins bestu! Birkir er í 2. sæti í þessu bloggi!
Lastið
Veðurguðirnir fá lastið í þessum pósti, þar sem gersamlega ómögulegt hefur verið að þrífa bílinn, spila golf, eða bara gera hvað sem er, þvílíkt rugl í gangi með veðrið. Hér með áskorun til þeirra að laga þetta aðeins, alla veganna þannig að maður geti staðið í lappirnar!
Lifið heil og skemmtið ykkur nú öll í desember, það er skylda :)