Thursday, July 20, 2006

Jæja, þá er maður mættur til Brussel. Það gekk þó ekki ævintýralaust fyrir sig því önnur eins ferð út hefur sjaldan komið upp á yfirborðið. Fyrst þegar komið var til Keflavíkur, var full út út dyrum og ég ætlaði bara aldrei að komast að skrifstofu Iceair til að ná í flugmiðann, svo "check-a inn " í framhaldi af því. Eftir nokkur olnbogaskot og læti komst ég þó að skrifstofunni og náði í miðann, þá tók við 5000 manna biðröð, ég var þó heppinn, sá mér færi á að nota nýjustu tækni og "checkaði mig inn" sjálfur, en það var þá ekki betra en það að "baggage drop off" hjá Iceair tekur lengri tíma en "check-in"!!! Ég stóð í 40 min einungis til þess að láta Iceair fá töskuna mína, jafnvel þó að ég væri búinn að "check-a inn"!!! Óþolandi!
Leiðin lá til Amsterdam og er ég kem þangað þá kemur í ljós að búið var að bóka flug á mig sem ég gæti aldrei náð, þannig að þá fóru rúmir 3 tímar í ekki neitt á Schiphol flugvellinum. Jæja, loks kemst maður nú í flug og rúllar yfir til Brussel. Þá var bara eitt eftir, EKKERT HÓTEL!!! Jájá, ekkert hótel handa karlinum og við tók 1,5 klst í að bíða eftir einni lítilli staðfestingu um það að ég ætti aið gista hérna fram á föstudag. Þetta var óneitanlega pirrandi, enginn kvöldmatur (mátti kannski alveg við því ;), dagurinn og kvöldið orðið handónýtt. Frekar pirrandi, en ég er núna á fínú hótelherbergi og hóteli í Brussel, lítur allt ljómandi vel út og svo á ég að fljúga á morgun til N.Y. Það átti að vera í dag, en smá seinkun (sóllarhringur) er á því flugi.

Nú að skemmtilegri hlutum :)

Þau stórmerkilegu tíðindi hafa átt sér stað að ég og Lilja eru búin að festa okkur kaup á nýrri höll!!!!!!!!!!!!!!!!!!!!!!!!!!!!!!!!
Höllin er staðsett í Tröllaborgum 23 í Grafarvogi (ekki nóg pláss fyrir svona höll í miðbænum ;) er 120 fm með bílskúr, á efstu hæð (3. hæð) með útsýni alveg til Norðurs og Vesturs, geggjað dæmi. Stefnt verður að undirbúiningi til flutnings í lok ágúst, þ.e. kem heim 8. ágúst og spasla væntanlega í 2 vikur og mála áður en við rúllum okkur þar inn.

Kveðjur á frónið sem mér skilst að hafi lagað veðrið akkúrat þegar ég og Hjalti fórum burt.

Saturday, July 15, 2006

HOLA Í HÖGGI!!!!!!!!!

Jæja, nú er glatt á hjalla, heldur betur, karlinn smellti holu í höggi á 2. braut á Nesvellinum þ. 11.07 nýverið.
Það er ekki ónýtt að uppgötva það að maður sé á meðal þeirra bestu í þessari grein :)
Höggið var slegið með SW (Sand Wedge), og var þetta hreint magnað golfhögg!!!!!!!

Annars verður maður nú að byrja að afsaka ótrúlegt bloggleysi upp á síðkastið, hrein ritstífla í gangi og ekkert markvert gerst þannig.
Ísraelar komnir í sannkallað banastuð, orð að sönnu, því nú vilja þeir bana Hizbollah (ekki skrýtið), olíuverð hækkar og allur pakkinn.
Það er ljóst að ég fer út næsta miðvikudag, er förinni heitið til Oestend í Belgíu, verð baseraður þar næstu vikur, fljúgandi þaðan til N.Y. og Houston.
Reyndar í lok mánaðarins fer ég til Frankfuhrt á upprifjunarkúrs ásamt fleiru því tengdu, og kannski að maður fái að opna hurðir o.þ.h. til tilbreytingar á vélinni.

Birkir var með skot um að ég væri á reynslulausn á blogginu hjá honum, það er eðlilegt en á næstunni mun maður vera skárri með skrifin.

Sumrið hér er ekki glæsilegt, reyndar eitt það lélegasta sem ég man eftir langa lengi, hvar eru dagarnir sem maður getur setið úti og drukkið kaffi niður
á austurvelli með öllu tilheyrandi, hvar er blíðviðrið, þetta eina sanna sem Ísland var orðið svo frægt fyrir, nú fer maður að vera hræddur við veturinn fyrst sumarið er svona, agalegt!

Næst á dagskrá er golfmót í Garðabæ á morgun, auk þess sem reynt verður að fljúga Yak-inum eitthvað næstu daga áður en haldið verður út til Belgíu.

Kv. Champinn

Sunday, May 14, 2006

Lallalaralla, larallalallaralla larallalalla lala, darúddí dí daddí darúddíd dí daddí, og svo "því vér erum hraustir menn!!!, látum þá alla, sverfa til stáls" eða eitthvað þannig!
Eins og sjá má er þetta upphaf að hinu vinsæla lagi Hraustir menn, en það á vel við þessa dagana þar sem gym-ið er tekið svoleiðis í bakaríið hérna að það hálfa væri nóg, enda ekki nóg með það heldur er spilað golf á fullu líka þannig að ekki ætti mann að vanhaga hreysti þessa dagana!
Luxembourg er fínasti staður á þessum árstíma, gott að spila golf þó dýrt sé að vísu, snilld að hafa Siggeir snilling sem bílstjóra, en ég hef aðeins pælt í því þó að fá mér bíl og hafa hérna einhvers staðar í Evrópu, jafnvel hér.
Heimför er áætluð á þriðjudaginn, kannski degi fyrr, sjáum til með það, hins vegar fréttist af einum massa gröðum sem skellti sér heim 2 dögum fyrr vegna mikillar stíflu sem safnaðist á einungis 3 dögum hjá honum, hefur honum verið ráðlögð sálfræðiráðgjöf, því hann eins og Michael Douglas hafa greinilega fengið kynlífssýki eftir allt þetta Basic Instinct dæmi :-)
Heil og sæl!

Saturday, May 06, 2006

Góðan og blessaðan daginn!

Jæja, nú hefur margt gerst frá síðasta bloggi, heldur betur.
Ég fékk mér morgunmat hér á Hilton og endaði hann með þvílíkri matareitrun
að það hálfa væri nóg, ældi og spældi eins og vitlaus væri.
Það er nú loks almennilega gengið yfir og nú tekur ræktin við enn á ný. Hún verður
samtvinnuð golfinu sem maður mun heldur betur spila hér næstu dagana.
Skrapp til Azerbajan í fyrrakvöld, var þar í heilan dag, gekk um bæjinn og leiddist
það ekki, en ekki mun ég segja að þetta sé falleg borg, breytist m.a.s. í svona
"ghosttown" á kvöldin því þeir eru ekkert að spandera pengene í ljósakostnað.
Hlýnaði þó um hjartarætur við að sjá leigubílana, sem 90% voru bara gömlu góðu
Lada-bifreiðarnar, í vægast sagt misjöfnu ásigkomulagi, en sumir voru þó ansi grand
á því þarna og búnir að setja álfelgurnar á þær fyrir sumarið!
Á hótelinu hitti ég frægan mann, þori vart að segja frá því en Ahmediani (eða hvað
sem hann heitir) forseti Írans var þarna á hótelinu á orku-fundi með öðrum leiðtogum
landanna þarna í kring. Horfðum við hvor á annan augliti til auglitis og var ég ekki
frá því að dead-lookið mitt hafi komið honum í opna skjöldu. Kannski að vitkist
eitthvað karlinn við þetta! Af kaupum úr þessari ferð varð ekki mikið, 2 DVD diskar, annar diskurinn tónleikar með Sheryl Crow og hinn myndbönd með Tinu Turner, er hægt að hugsa sér það betra? Held ekki! Eitthvað verður maður að hafa hérna í Lux þegar lítið er um að vera (sem er nokkuð oft!). Hins vegar get ég ekki kvartað yfir þessu núna því Siggeir gamli snillingur Sverrisson hefur tekið mig í leiðsögn um Luxembourg og nú þegar karlinn er kominn á bílinn sinn aftur hérna höfum við lagt Lux undir fót (eða hjól) og skellt okkur í miðborgina og tekið aðeins út dæmið hérna. Hrein snilld, en ég mæli með því til allra að bíllaus hér í þessu landi er ómögulegt að vera!

Wednesday, May 03, 2006

Matareitrun með meiru!

Góðan dag, hjá mér hefur hann ekki verið of góður, svaf ekkert í nótt vegna gubbupestar og niðurgangs, allt í boði Hilton hótelsins hér í Lux. Já, ég kenni Hilton um þetta því ég borðaði hér í fyrrakvöld, og varð strax slæmur í vömbinni eftir það, svo ágekkst þetta í gær, þannig að´í nótt var maður gersamlega dauður!!! Ældi og og gerði númer 2 til skiptis í alla nótt! Þannig að Hilton hótelið hér býður upp á stofufangelsi og matareitrun!!!
Er aðeins að braggast sem er eins gott því ég á að fara til Baku á morgun, kem svo til baka hingað á laugard. og verð þá hér stuck í viku án þess að gera neitt, golf og meira golf ef heilsan leyfir!

Tuesday, May 02, 2006

Góðan dag góðir bloggaragestir!

Jæja, nú er lag, búinn að taka simmann í bakaríið í Frankfuhrt og allt í fínum gír. Það var auðvitað haldið upp á það með pompi og prakt á sunnudagskvöldið og endaði það með smá þynnku daginn eftir.
Karlinn svo sendur með Siggeiri snillingi Sverrissyni til Luxembourg og er þar nú. Hér er ekkert að gera án bíls, þ.a.l. leigðum við félagarnir einn í dag og komum okkur út úr stofufangelsinu sem er í boði Hilton, það er ekki einu sinni hægt að éta þar vegna brauðs sem er jafn hart og tvíbökur ásamt fleiru.
Jæja, nóg af því, spilaði golf í dag og haldið þið að ég hafi bara ekki rekist á haug af Íslendingum á vellinum, þeir voru frá KB Banka (ég kalla hann reyndar núna KGB Banka ;) og voru í fínum gír, reyndar 4 samtals og þ.a.l. gat ég ekki spilað með þeim, svo hitti ég Birgi Leif, margfaldan Íslandsmeistara og atvinnumann í golfi, hann var við æfingur og ég var ekkert að trufla hann því hann þarf að gera betur ef hann vill eiga roð í mig ;)
Golfið gekk annars fínt, glæsilegur dagur, sól og alles, og ekki laust við að maður hafi náð sér í smá brúnan lit, sem allir vita að mér finnst svo fallegur ;)
Náði sem sagt að eyða deginum í sumri og sól og át svo með Siggeiri á fallegum ítölskum restaurant en fékk mér nú ekkert fallegra en pizzu.
Aftur golf á morgun, svo flug til Baku í Azerbajan á fimmtudag. Maður tekur það place út almennilega og kem svo aftur hingað á laugardag til að hanga og gera ekki neitt í heila viku, held ég fari bara í golf ;)
Kveðjur á frón og ákskorun á Birki um meira blogg!!!

Tuesday, April 18, 2006

Góðan dag gott folk nær og fjær sem endranær

Jæja, maður gekk til mín í dag, fullur af gasi (ekki að tala um sjálfan mig ;) og sagði mér að hann væri svo góður í ballskák að það hálfa væri nóg, nú væri svo komið að ég þyrfti að mæta og spila við hann því hann ætti harma að hefna síðan síðast (sem ég persónulega mundi ekki eftir). Jæja þá, eftir feitan kaffibolla á Thorvaldsen var ákveðið að ég og þessi maður myndum útkljá þetta mál eftir kvöldmat. Ég mæti á svæðið og sé þá þetta líka þvílíka professional gaur, með eigin kjuða og alles, m.a.s. eigin krít!!! Ég sá fyrir mér mikið og erfitt verkefni því þessi maður virtist vera þvílíkt heitur (að hans eigin sögn). Jæja, það er byrjað, gaurinn segir “þú færð fyrsta “break-ið” félagi” og ég opna fyrsta rammann með stæl, opnaði reyndar með svo miklum stæl gaurinn gersamlega átti ekki séns, jæja, 1-0 sagði hann og gerði ráð fyrir því að þetta væri nú ekki alvarlegt, svo leið tíminn og það varð 2-0, 3-0, 4-0, 5-0, 6-0, þegar þarna var komið við sögu var gaurinn orðinn svolítið pirraður en ég reyndi að róa hann og sagðist gefa honum mjólkurglas ef hann ynni einn leik ;) Jæja, áfram gakk, 7-0, varð nú gaur orðinn verulega sár, “ég fer ekki fyrr en ég er búinn að vinna einn leik”, 8-0, “hættur”!!!!!!! Tekið skal fram að á endanum bauð hann mér svo heim í kaffi sem eru auðvitað bestu verðlaun sem hugsast getur ;) Takk fyrir það félagi!
Að öðru, styttist nú í að karlinn eigi afmæli, það verður ekki haldið upp á það með bingó-kvöldi eins og mér sýnist Birkir vera að plana sitt ;) Það verður eitthvað gert en það verður tilkynnt síðar.

Kærlig hilsen!!!

Thursday, March 30, 2006

Góðan dag góðir hálsar

Jæja, lítið að frétta af karlinum sjálfum en þó eitthvað, jú, maður puðar og puðar í "gym-inu" alveg eins og ég veit ekki hvað því jú eitthvað verður maður að sýna einkaþjálfaranum þegar maður kemur heim á skerið ;)
Annars vil ég þakka fyrir prýðisþátttöku í spurningaleiknum steinasteik þar sem sumir kanditatar fóru fram úr björtustu vonum í stigagjöfinni, má þar nefna mömmu, Bjarna Rafn, og Birki megamassa! Já, þetta kom bara vel út og aldrei að vita nema annað svipað kunni að læðast á þetta blogg seinna meir, verst er að nú hef ég verið krafinn um verðlaun í þessari keppni, verðlaun!!! Ég lagðist í þunga þanka hver verðlaun í svona magnaðri keppni ættu að vera og komst að því að það má ekki vera neitt slor, því þetta jafnast auðvitað á við "Meistarann" sem Logi Bergmann stýrir á Stöð2 ;) Þ.a.l. hef ég ákveðið að verðlaunin séu fyrir alla sem tóku þátt, þau eru ábending á þetta skemmtilega lag "Ballantines" sem sungið er af Valgeiri Guðjóns og Köntrísveit Baggalúts!!!! Geri aðrir betur :)
Þetta er snilldar lag sem aldrei verður of oft spilað ;)
Annars virðist heimurinn vera að fara fjandans til þessa dagana, Ítalir að sýna gestrisni (síðan hvenær!!!!) með því að bjóða Afghana friðhelgi þar, Apple er í máli við Apple, fjöldamótmæli í USA gegn lögum um ólöglega innflytjendur sem endar á því að nýr hálfgerður Kínamúr verður settur á milli Mexico og USA 1000km langur takk!!! Ekki í fyrsta skipti sem Kaninn fer í ruglið sem sést best á því að John Livingston Borgarstjóri Lundúnaborgar er æfur í sendiherra Bandaríkjanna í Bretlandi því hann neitar að borga umferðarskatta sem allir greiða þegar þeir fara á eigin bíl inn í London, er þetta ekki týpískt dæmi um bullið, sérstaklega þar sem þessi álfur er nú mikill vinur Georgs gírlausa þarna í Camp David!!!
Hins vegar er margt gott, eins og tvennir stórtónleikar heima fyrir sem maður missir af, Katie Melua á þar efsta sætið ásamt Baggalútsmönnum, já, Baggalútur á NASA annað kvöld á miðnætti, og Katie Melua verður í höllinni að ég held ?
Nú er maður farinn að hlakka til að koma með sólina á klakann og skella sér í góðan gír með elskunni, og taka eitt próf þ. 7. apríl í skólanum. Fínt mál og hlakka til að sjá ykkur öll!
Auf Wiedersehen

Wednesday, March 29, 2006

Góðan dag (þó minn sé frekar glær)!

Jájá, kominn til Frankfuhrt þar sem maður hitti auðvitað helling af fólki um leið og maður vaknaði um 2-leytið í gærdag, löng og ströng ferð frá USA að baki og karlinn var bara nokkuð hress. Svo hitti ég Sólon og Rúnu sem ég hafði ekki séð í óratíma, það þýddi auðvitað að maður þurfti að fara út að borða með öllu tilheyrandi. Fín skemmtun en dróst þó heldur betur a langinn og fyrr en varði sló klukkan 2 að morgni. Vakna núna frekar slappur eftir þessa fínu ferð, en þegar öllu er á botninn hvolft var þetta bara meiriháttar gaman.
Jæja, nóg af því.
Árshátíðir eru þessa dagana í fullum gangi, hef ég sjálfur farið á eina og fannst mér dansinn duna og allt í góðu, nema hvað að þegar ein manneskja steig á mig á manndrápsháum hæl finnst mér vert að bjóða upp á smá disco-danskennslu! Eins og þið vitið er þetta nú ekki flókið, en þetta er mitt vísindalega framlag til þess að koma í veg fyrir að þetta gerist aftur.
Að lokum kveðjur til allra heima, heimkoma 3. april!

Tuesday, March 21, 2006

Góðan dag dömur og herrar og perrar og allur andskotinn þar á milli.
Ég er hér að reyna að blogga, með Gogga, af alkunnri snilli.
Það er þó ekki mikið sem vikið getur að í dag,
ekki er stritað, hvað þá ritað, nema kannski lítið lag.
Hjalti er ekki með verki, en fór samt í bað,
segi ekki meir um það, en honum veitti ekki af (djók).
Ég hef frá engu að segja, því fer ég að þegja, og út af þessu bulli fer ég að beygja!
Jæja, nóg er komið af þessu bulli, ég verð hins vegar að biðja ykkur öll að fara á á link-inn hér að neðan og taka þátt í smá spurningarugli sem ég var að búa til um egoistann mig!
Að lokum er orðið ljóst að ég flýg annað kvöld til NY, verð þar í 4 daga og fer svo til Chicago í 3 daga, kem svo til Frankfuhrt 8 dögum eftir morgundaginn.
Minni á spurningakeppnina Steinasteik, sem er á eftirfarandi link.
Steinasteik

Friday, March 17, 2006

Here comes the sun!
Svo hljómar fyrsta laglína í hinu fræga samnefnda lagi bítlanna. Mikið var
yndislegt að vera heima og hugsa til þessa lags þegar maður vaknaaði á
morgnana, af hverju? jú, því það er ekki annað hægt en að taka eftir því hversu daginn er farinn að lengja! Já, svo eru meira að segja jafndægur núna þ. 21.
þessa mánaðar, og það er nú ekkert smá stuð þegar dagurinn er loks orðinn lengri en
skilgreind nótt. Magnað!!!!!

Help!
Svo hljóðar annað lag með bítlunum. Já, ég þarf hjálp, hjálp við að koma
hinum nýja Yak-18T sem við félagarnir vorum að festa kaup á, í gott sk?li,
viti menn um skýli fyrir nýja Yak-inn endilega látið champ-ann vita.

Yesterday,
Já, hann er svo "far away". Mikið óskaplega var gaman í gær, mikið stuð með
Hjalta og Arne Krogen hér í Neu Isenburg, en við komum einmitt hingað á þriðjudaginn síðasta og ákvaðum að taka næturlífið aðeins út í gærkvöldi, sátum og drukkum öl og fengum okkur fínar kótilettur með sem brögðuðust eins og best væri á kosið!
Hún sló þó ekki út lambasteikina sem ég bjó til fyrir viku síðan þar sem karlinn eldaði af einskærri snilli heilt læri til að troða í gogginn á glorhungraðri fjölskyldunni, ekki laust við að mamma væri hrædd um að ég væri að slá hana út í kokkinum, en ég auðvitað fullvissaði hana um að svo færi nú aldrei ;)

8 days a week
Já, ég vinn og vinn, eins og skepna, sit á hótelinu og er standby með öllu tilheyrandi og hef ekki gert handtak síðan ég kom út, hins vegar þegar maður er heima í fríi, þá er brjálað að gera í "Yök-unum" nánast 8 daga vikunnar, svo mikið og gaman er að því að hafa 2 Yak-a, alger snilld. Ég set inn myndir af þeim um leið og ég fæ nógu góðar myndir af þeim, þær sem ég er með eru ekki alveg nógu góðar
til þess að setja hér inn. En vinnan fer ekki bara í Yak-ana, heldur erum
ég og Birkir (sem er hel-cut-a?ur!!!) með einkaþjálfara sem tekur okkur svo
rosalega í gegn, þannig að það er ekki nokkur leið að fá engar harðsperur.
Fætur, hendur, axlir og alles, fá svo hrikalega útreið að það styttist í að við verðum alveg hrikalega massaðir með öllu sem því fylgir, sem er rosalegt því við vorum í engu smá formi fyrir ;)

Paperback Writer
Hmmm, magnað max. Gott lag, sem minnir mig óneitanlega á helvítis dagblöðin sem koma inn í hólfið hjá mér óumbeðið! Dagurinn hefst á því að henda heilu frumskógunum af pappír í ruslið, án þess að maður nokkurn tíma líti á það sem stendur á honum, ég vil þetta ekki og er þreyttur á þessum fjanda! Ég er áskrifandi að Mogganum en ekki Fréttablaðinu! Hvað þá Blaðinu, burt með þetta helv....

Nowhere Man
Ekki laust við að hann hafi verið á svæðinu í dag, hvernig, jú, einn hér var svo glær í dag að hann sást varla, þannig að ég var í stökustu vandræðum með hann.

Imagine
Ég segi nú bara eins og Megas í góðu lagi um Krókudílamanninn, "Ímyndið ykkur bara", já, ímyndið ykkur þegar herinn fer burt, þá fæ ég kannski að taka mynd á Keflavíkurvelli án þess að fá hermannn með svaka hólk miðandi á mig eins og terrorista! "Ímyndið ykkur bara" ef herinn hefði ekki komið á frónið. Þá værum við væntanlega með eigin her og alles og Landhelgisgæslan ekki í fjárhagsvanda!!!
"Ímyndið ykkur bara ef ekki hefði komið hún Laufey", hmm, hún væri þá kannski ekki lengur hrein mey :-)

When I´m 64
Lofa að blogga aftur fyrir það ;)

Friday, February 10, 2006

Til hamingju Ísland!

Já, svo sagði hin kyngimagnaða sönkona(álfkona) Silvía nótt. Ekki ætla ég að taka þessum hamingjuóskum með miklum fagnaðarlátum því ekki finnst mér þetta lag hjá henni til mikils koma. Frekar er að óska þeim sem hafa húmor fyrir svona löguðu til hamingju með það að koma sér endalaust á framfæri með rugli!
Jæja, ég ætla nú ekki að hljóða eins og afi minn nema með því að segja þvuhhhh!
Ég ætla hins vegar að koma því til skila hér að ég hef ekki verið Evróvision aðdáandi mikill, en þó samt svo að maður fylgist með. Ég hélt þó að ég hefði séð vafasömustu undankeppni Evróvision núna um daginn þegar ég rakst á úrslit keppninnar (held að það hafi verið úrslit) í Þýskalandi! Já, þeir hafa alltaf átt lélegustu lög keppninnar ár eftir ár, og þar gat ég hlegið að liðinu og haft gaman að, en svo fer ég á netið og skoða það sem fyrir ber í keppninni heima og get ekki betur séð en að Þjóðverjar hafi betur í viðureigninni við okkur, ótrúlegt, Íslendingar, þessi þjóðerniskennda þjóð að púkka upp á Silvíu nótt. Reyndar er hún ekkert ein um að eiga lélegt lag, heldur eru þau það öll! Eins margir hafa sagt í gegnum tíðina, "díses kræst maður, hvað er í gangi". Svo spyr maður sig, hvað vakir fyrir dómnefnd sem velur í þetta? Á hvaða efnum voru þeir??? Þeir hljóta að hafa verið fengnir af einhverri annarri plánetu því þetta vísar engan veginn í neitt sem tíðarandinn býður upp á í dag, nema kannski "idiot"-húmorinn frá þessari ástsælu Silvíu, sem að einhverri ástæðu á að þykja fyndið og flott í dag. Það er skrýtið nú til dags að þessi undankeppni heima skuli vera svona, því hún hefur hefur farið vaxandi, þ.e. meira er lagt í hana frá ári til árs undanfarin ár, alla veganna er Sjónvarpið alltaf að leggja meir og meir í með hverju árinu sem líður. Það er því sorglegt að sjá svona val á lögum í úrslitum. Hvar er djassinn (sem er á uppleið í dag), hvar er þetta venjulega gamla góða (þarf reyndar ekki að vera gamalt), hvar er tónlistin sem maður er vanur að heyra, þarf þetta alltaf að vera með þeim tón að manni finnst maður hafa heyrt svona lög mörgum sinnum áður? Hvar eru lögin í anda Nínu (með Stebba og Eyfa, er ég eini maðurinn sem man eftir þeim?), hvað með hljómsveitirnar heima sem gera það gott í dag, af hverju heyrist ekki í þeim? Ég held bara að ég verði að kaupa diskinn með Gleðibankanum þar sem þessi skrif virðast vera þunglynisleg :-) Ég er nú bara að tala um lög sem menn eiga eftir að muna eftir! Var ekki nóg að sjá Pál Óskar niðurlægja þjóðarstoltið hér um árið, ætlar fólk að prófa það aftur, var það svona gaman ???
Svo er það annað. Það er ótrúlegt að sjá hvað fuck-you húmorinn hefur náð langt, nú er ekki fyndið að segja hver munurinn er á kvenfólki og hvirfilbyl, nei, í dag á maður að hjóla nakinn á 10m stökkbretti út í sundlaug og best er ef menn meiða sig mikið, það er fyndið! Ótrúlegt enn og aftur. Ég er nú enginn kommúnisti eða hvað sem það nú er, en þessi húmor sem á uppruna sinn frá USA er genginn úr sér og er orðinn ansi geldur, mér finnst hins vegar t.d. strákarnir sem nú eru á Stöð 2 standa sig vel, þeir virðast ná því að vera á línunni milli þess sem er fyndið og þess sem er ógeð, sem er bara mjög gott mál. Auk þess sem þeir ná til allra aldurhópa með prakkarastrikum sínum og fleiru, ég klappa fyrir þeim. Einnig klappa ég fyrir baggalút, sem virðast endalaust geta gert grín að hverju sem er, hreinir snillingar, kannski við ættum að senda "par excelans" lagið þeirra í Evró, en því miður má það ekki því það hefur heyrst áður, en heyrið mig, var ekki fólk búið að heyra lagið hjá Silvíu áður, veit ekki betur en að það hafi lekið út áður en það var flutt í keppninni!!! Ég læt hér með niðurrifspólitíkinni lokið í bili, en Hgret félagi minn tók nú vel í gegn gaurana á kallarnir.is, jamm, sammála honum, enda er fátt eins vitlaust og það sem þeir bjóða upp á, svo voru þeir svo aumingjalegir á síðustu þjóðhátíð að maður hreinlega skildi ekki hvað þeir voru að gera á svæðinu!
Niðurstaða:
Ég get með engu móti ráðið því hvað fólki finnst fyndið og hvað eina, enda væri það frekar bágborið ef svo væri (sérstaklega miðað við þessi skrif)!
Mér finnst samt agalegt að borga skatt til þess að horfa á svona vitleysu eins og Evróvision er heima á fróni. Ég vil ekkert borga fyrir að sjá Silvíu nótt gera sig að fífli einu sinni enn, hvað þá að láta hana kannski(því ekki er hún búin að vinna keppnina) að niðurlægja Ísland og íslenska menningu á alþjóðlegum vettvangi, reyndar serm betur fer held ég að það séu ekki mjög margir Evrópubúar sem fylgjast með þessari keppni. Er skatturinn sem ég borga að fara í hana syngjandi upp á sviði!!! Kannski maður hendi bara sjónvarpinu út um gluggann, því ekki má ég eiga það án þess að borga fyrir þetta!!! Þegar afnotagjöldin hjá Ríkinu fara í svona vitleysu liggur hreinast við að maður hendi imbanum út um gluggann. Svo er spurning, ef ég hendi sjónvarpinu hvort ég þurfi ekki að borga afnotagjöld af tölvunni því stundum læðist maður inn á RUV.is og skoðar hitt og þetta! Þeir geta ekki sætt sig við það miðað við stefnuna sem sett er með sjónvarpið, eða hvað? Já, til hamingju Ísland!

Thursday, January 19, 2006

NÚ ER FROST Á FRÓNI FRÝS Í ÆÐUM BLÓÐ!!!!!!! BÓKSTAFLEGA!

Já, karlinn mættur heim á klakann og verður hér næstu 2 vikurnar.

Þvílík snilld að vera kominn heim þó kalt sé, en reyndar þurfti skerið ekki annað en að vita að karlinn væri á leiðinni, þá hlýnaði ískyggilega :-) Jájá, asahláka um leið og karlinn mætti.

Jæja, London hefur verið tekin með trompi og var það alveg MEGA-GAMAN!!! Lilja mætti út daginn á eftir mér og eyddum við viku þar ásamt famelíunni og brósa, sem var að útskrifast með MASTER í lögfræði!!!!
Hvað gerðum við? Jú, þræddum allt London svæðið eins og það leggur sig, keyptum helling af því sem við áttum alls ekkert að vera að kaupa, t.d. ég enn einn leddara!!! Jú, kíktum líka á alla garða sem skipta máli, Hyde-, Green- og St. James´s Park. Það var svo gaman að vera í St. James´s Park að það var ekkert venjulegt, svo mikið fuglalíf og þegar við settum nammi í hendurnar okkar þá komu dúfurnar og settust á okkur eins og páfagaukar, ekkert venjulega flott! Pelíkanar voru þarna líka og mikið rosalega eru þeir skringilega flottir, hálsinn á þeim og undirhakan hreinasta snilld!
Já, við skemmtum okkur sem sagt konunglega, átum á kvöldin eins og svín, löbbuðum á daginn eins og golfarar og djúsuðum eins og frímúrarar :-)
Karlinn kom ósjaldan við á Starbucks og var það hrein snilld að komast í tæri við almennilegan Starbucks Latte aftur!
Nú hlakkar mann bara til að fara á Avion GEIM-ið um helgina, já, sótti þessa 2 fríu miða sem hver Atlanta maður fær á það í dag, það ríkir mikil stemmning fyrir því og maður vonar bara að sem flestir mæti á það og skemmti sér almennilega!!!
Jæja, ég bið að heilsa í bili og sérstakar kveðjur til allra í Indó í Hajj-inu og Dubai félaganna.

Þvílík snilld að leika sér í St. James´s Park!


Ég kallaði þennan félaga Hjalta, hmmm, af hverju skyldi það vera :-)

Tuesday, January 17, 2006

Jæja, góðan daginn allir saman nær og fjær, sem endranær.

Það er gaman að vera til, það er engin spurning. Á síðasta laugardag var farið í partý hérna í London og mikil gleði og friðarstemmning ríkti þar. Enginn tími var á staðnum, það er þarna voru allir frægustu menn samtímans og fortíðarinnar saman komnir og kynslóðabilin brúuð til margra áratuga aftur í tímann. Þarna voru margir stemmnings- og stuðboltar ásamt mér og Lilju minni. Það ríkti mikil stemmning á svæðinu og gaman var að hitta David Beckham og frú, Robbie Williams, Lilju fannst sérstaklega gaman að hitta Tom Cruise og Hr. Clooney, en á meðan þeir voru að hafa ofan af Lilju, rakst ég á Jerry Springer!!! Honum tókst að gera mig helvíti reiðan, og ég rauk upp eins og myndin að neðan sýnir, en hann slapp. Helvítis melurinn var eitthvað að tala um Cruise og hana Lilju mína og það er ekki viðeigandi við svona viðburð :-) Ru Paul var þarna í bakgrunninum en hann æpti bara og gerði ekki neitt, svo þegar menn róuðust niður, þá fékk hann stólpípuna og varð sáttur ;)
Jæja, hvað um það, þarna léku bítlarnir fyrir dansi og allir voru í góðum gír. Best að láta myndirnar tala :-)

P.S. Það er brilljant að fara á Maddame Tussaud safnið!!!

Ég tók nokkra slagara með Elvis, en allir risu þó upp úr sætum þegar við tókum saman "Heartbreak Hotel" með tilþrifum, rifjaðist þá upp fyrir mér hvað það var gaman að taka Elvis slagarana hérna í den :-) Since my babe left me, I found a new place to dwell, the lonely heart .......... Ooooohhhhh yeahh-hhhh.!!!

Sly Stallone var á svæðinu og komst hann að þeirri niðurstöðu að hann væri orðinn of gamall til að leika í næstu Rocky myndinni sem er nú að fara í vinnslu, hann sagði að ég væri tilvalinn í hlutverkið þar sem maður væri massaður kappi og keppnismaður mikill með allt það sem afburðaíþróttamaður þarf að hafa í sér :-) Ég tek flugið fram yfir leiklistina og sagði honum að ef hann léki ekki Rocky þá væri enginn Rocky, þó svo að Steini þýðist kannski sem Rocky á engilsaxneskunni :-)

Félagar mínir John Travolta og Samuel L. Jackson voru hressir, ég bað þá um að setja sig í stellingarnar og samdi við þá að gera 2 pulp fiction myndir til viðbótar!!! Þeir voru sammála því að ég ætti að hirða allan gróðan af myndunum því John er auðvitað mikill flugmaður og flugunnandi og það eina sem hann vildi var að sitja frammi í bumbunni hjá mér einu sinni, ég verð við þeirri bón :-)

Robbie Williams var þvílíkt sáttur við að sjá mig, dansaði hann um eins og brjálaður hundur, væntanlega til að afsanna það að hann sé gay, því nýlega hafa heyrst ásakanir þess efnis í hann garð, en þessi maður verður alltaf töffari!!!