Thursday, January 19, 2006


Þvílík snilld að leika sér í St. James´s Park!


Ég kallaði þennan félaga Hjalta, hmmm, af hverju skyldi það vera :-)

Tuesday, January 17, 2006

Jæja, góðan daginn allir saman nær og fjær, sem endranær.

Það er gaman að vera til, það er engin spurning. Á síðasta laugardag var farið í partý hérna í London og mikil gleði og friðarstemmning ríkti þar. Enginn tími var á staðnum, það er þarna voru allir frægustu menn samtímans og fortíðarinnar saman komnir og kynslóðabilin brúuð til margra áratuga aftur í tímann. Þarna voru margir stemmnings- og stuðboltar ásamt mér og Lilju minni. Það ríkti mikil stemmning á svæðinu og gaman var að hitta David Beckham og frú, Robbie Williams, Lilju fannst sérstaklega gaman að hitta Tom Cruise og Hr. Clooney, en á meðan þeir voru að hafa ofan af Lilju, rakst ég á Jerry Springer!!! Honum tókst að gera mig helvíti reiðan, og ég rauk upp eins og myndin að neðan sýnir, en hann slapp. Helvítis melurinn var eitthvað að tala um Cruise og hana Lilju mína og það er ekki viðeigandi við svona viðburð :-) Ru Paul var þarna í bakgrunninum en hann æpti bara og gerði ekki neitt, svo þegar menn róuðust niður, þá fékk hann stólpípuna og varð sáttur ;)
Jæja, hvað um það, þarna léku bítlarnir fyrir dansi og allir voru í góðum gír. Best að láta myndirnar tala :-)

P.S. Það er brilljant að fara á Maddame Tussaud safnið!!!

Ég tók nokkra slagara með Elvis, en allir risu þó upp úr sætum þegar við tókum saman "Heartbreak Hotel" með tilþrifum, rifjaðist þá upp fyrir mér hvað það var gaman að taka Elvis slagarana hérna í den :-) Since my babe left me, I found a new place to dwell, the lonely heart .......... Ooooohhhhh yeahh-hhhh.!!!

Sly Stallone var á svæðinu og komst hann að þeirri niðurstöðu að hann væri orðinn of gamall til að leika í næstu Rocky myndinni sem er nú að fara í vinnslu, hann sagði að ég væri tilvalinn í hlutverkið þar sem maður væri massaður kappi og keppnismaður mikill með allt það sem afburðaíþróttamaður þarf að hafa í sér :-) Ég tek flugið fram yfir leiklistina og sagði honum að ef hann léki ekki Rocky þá væri enginn Rocky, þó svo að Steini þýðist kannski sem Rocky á engilsaxneskunni :-)

Félagar mínir John Travolta og Samuel L. Jackson voru hressir, ég bað þá um að setja sig í stellingarnar og samdi við þá að gera 2 pulp fiction myndir til viðbótar!!! Þeir voru sammála því að ég ætti að hirða allan gróðan af myndunum því John er auðvitað mikill flugmaður og flugunnandi og það eina sem hann vildi var að sitja frammi í bumbunni hjá mér einu sinni, ég verð við þeirri bón :-)

Robbie Williams var þvílíkt sáttur við að sjá mig, dansaði hann um eins og brjálaður hundur, væntanlega til að afsanna það að hann sé gay, því nýlega hafa heyrst ásakanir þess efnis í hann garð, en þessi maður verður alltaf töffari!!!

Ég hitti Jerry Springer og hann fór eitthvað að kynda mig (eins og alla aðra) þannig að ég var mjög nærri því að ráðast á hann, hann náði að beygja sig og varð ekki sár út í mig :-) Ru Paul var þarna fyrir aftan og vissi varla hvað á sig stóð veðrið en hann varð alveg rólegur eftir á líka!

Sunday, January 08, 2006

Góðan dag allir saman nær og fjær sem endranær.

Karlinn er hér staddur í Dubai á leið til Amsterdam í fyrramálið. Það verður fínt að fá eina nótt í Amsterdam áður maður rúllar sér yfir þennan litla poll sem er á milli London og Amsterdam. Já, karlinn á leið til London í frí með Liljunni og svo er nokkrir dagar líða, mæta brósi og mor og far líka, hrein snilld, sem varla er hægt að bíða lengur eftir!!!
Eftir viku er svo auðvitað stemmning að koma heim og rúlla sér þar út í 2 vikur fyrir næsta úthald.
Ekki seinna að vænna þegar maður kemur heim að taka smá Yak-flug og sjá Ísland frá öðru sjónarhorni!!!
Kveðjur.

Saturday, January 07, 2006

Jæja góðan dag.

Ritstíflan er alveg að drepa mann þessa dagana.
Það er hins vegar svo að maður þarf að gera upp sl. ár með öllu tilheyrandi.
Árið byrjaði í loftinu frá hinni helgu borg Medinah í Saudi-Arabíu til Medan í Indónesiu. Það var sérkennilegt að fylgjast með nýju ári ganga í garð úr háloftunum en samt spennandi því það var öðruvísi, svo kom í ljós að allt árið var öðruvísi en reiknað var með en taka skal fram að það var svo mikið öðruvísi að það var alveg meiriháttar.
Pílagrímaflugið gekk alveg fram í byrjun mars er við komum heim. Var þá búið að harka í pílagrímaflugi í 10 vikur og alltaf base í Medan. Nokkrar viðkomur í Jakarta þó, og var þetta allt alveg ótrúlega gaman.
Svo eins og Guðs gjöf að himnum ofan, 4 dögum eftir að ég kom heim, birtist mér á afmælisdag bróður míns hún Lilja mín.
Eftir mánaðardvöl heima og mikið grín og gaman, flaug maður með íslenska páskaferðamenn til Allicante og Faro. Svo var förinni heitið til Kuala Lumpur. Þar var golfið tekið í gegn og endaði maður á því áður en maður kom heim að taka þessa þvílíkt öflugu golfferð í Englandi með Berel nokkrum Arnfinnssyni, þvílík snild.
Aftur var farið til KL stuttu eftir golfferðina og þar flogið til Shanghai, Sydney, Melbourne og fleiri góða staði.
Í næsta fríi var svo goslokahátíð í Eyjum tekin með þvílíku trompi að það hálfa væri nóg.
Gatwick var næsti vinnustaður næstu 2 mánuðina með reglubundnum fríum heima sem við Lilja nýttum okkur í sumarbústaðaferðir og Þjóðhátíð í Eyjum, sem stóðst fyllilega undir væntingum þó svo að maður hafi lokast úti á Bakka í þjóðhátiðarfluginu eina nótt. Einnig tókum við Snæfellsnesið og keyrðum það hátt og lágt auk þess að ganga mikið þar um og skoða. Meiriháttar tími.
Næst lá leiðin til Madrid og þar var flogið til Miami og Tenerife North auk Las Palmas, ágætis tími alveg hreint.
Frankfuhrt tók við í næstu útiveru og fékk ég þann heiður að fara nokkrum sinnum til Chicago. Þvílík snilldar borg sem áður hefur verið greint frá á þessum vef.
Rétt fyrir jólin fór maður svo í mikla heimsferð. Já, Luxembourg, Jóhannesarborg, Frankfuhrt, Peking, Hong Kong.
Nýja árið leggst vel í mig, byrjar eins og í fyrra, í loftinu, reyndar í þetta skipti frá Hong Kong til Dubai, en hvað með það, byrjar eins og hið frábæra ár 2005. Mikið óskaplega sem þetta ár á eftir að vera í minnum haft hjá mér sérstaklega ef tekið er tillit til alls ofangreinds og þess maður varð fastráðinn hjá Air Atlanta 1. jan með öllu tilheyrandi, alveg frábært.
Að lokum vil ég segja, Fjölskyldan, Lilja mín, félagar nær og fjær, Air Atlanta og Fálkagata 14 :-) Takk kærlega fyrir frábært ár 2005, megi næstu ár verða eins pottþétt og þetta!
Að lokum verður maður auðvitað að birta lista yfir þær borgir sem fá áramótakveðjur í ár þó seint séu.

Medan
Medinah
Jakarta
Jeddah,
Faro,
Allicante
Kuala Lumpur,
Shanghai,
Dhaka,
Melbourne,
Sydney,
Dubai,
Sharjah,
París,
London,
Manchester,
Orlando,
Kos,
Glasgow,
Dalaman,
Amsterdam,
Madrid,
Miami,
Tenerife North,
Las Palmas,
Frankfuhrt,
New York,
Chicago,
Luxembourg,
Johannesburg,
Tripolí,
Peking,
Hong Kong

Sunday, December 25, 2005

GLEÐILEG JÓL ALLIR TIL SJÁVAR OG SVEITA OG UM ALLA HEIMSKRINGLU!!!!!!!!!!!!!!!!!!!!!!!!!!!!!!!!!!!!!!

Hér eftir mun einungis efni verða birt í rímum sem eiga við hvern þann hlut sem bloggað er, finnist mönnum það leitt og þetta leirburður mikill, þá verður bara að hafa það, maður verður að prófa að gera eitthvað nýtt.

Byrjum á flugvélamatnum á aðfangadagskveld:

Flugvélamatur mig ekki bætir,
margt um hann gagnrýni sætir,
Ef thu hann étur,
verður mikill fretur,
og klósettið ad lokum thu kætir!!!

Flugvélamat á aðfangadagskvöld,
finnast illt mundi flestum,
Kartöflur vondar og steikin köld,
kostur ekki hæfir hestum!

Svo er smá boðskapur hvernig fílingurinn var um jólin hjá mér!
Kalla má þetta ferðajól thó ad thetta virdist thunglyndislegt verð ég að segja að hafa komið til Jóhannesarborgar er mjög magnað og er thetta ein af theim fallegri borgum sem ég hef komið til:

Suður í Afríku ríkir sólin,
sat ég þar á aðfangadag,
er thar loks urðu jólin,
ég fór í ferðalag.

Jólin í Jóhannesarborg,
jeg ekki fekk ad njota,
Thad mer thotti mikil sorg,
Thvi ég thurfti ad thjota.

Löng var leiðin Frankfuhrt til,
Leitt að þurfa þetta að reyna,
Minnti mig þetta hér um bil,
margt um ferðalag jólasveina.

Staðið hefur ströngu í,
Steini litli í Germaní,
Thad er OK fyrir thví,
tho jólin séu næst fyrir bí.

Friday, December 02, 2005

Grooovy!!!

Jájájá, mættur heim í góðum fíling. Hef verið þægur :-) síðustu daga og bara verið að dreifa fagnaðarerindinu þar sem hátíðarnar nálgast óðfluga. Fagnaðarerindið er auðvitað það að ég sé kominn heim :-)
Það er gott að sjá suma njóta desembermánaðar í sumri og bjór í Dubai, hollt og gott, er alveg viss um að Ágústa Johnson er alveg að fíla það í botn að sjá það sem var í ísskápnum þarna um daginn.
Annars er það að frétta að ekkert er séð fyrir með jólin, á skv. plani að fara út 20. des, en mér var sagt í gær að það kæmi allt betur í ljós eftir 10.des, þá væri hægt að segja til um hvort maður fái frí um þessi jól.

Sunday, November 27, 2005

GÓÓÓÓÓÓÓÓÓÐÐÐÐÐÐÐÐANNNNNNN DAGGGGGGINNNNNNNN!!!!!!!!!!

Það var ekk leiðinlegt í gærkveldi, nei, hitti fína menn hérna á hótelinu og við skelltum okkur á "House of blues" barinn hérna í Chicago. Þvílík og önnur eins stemmning, ROSALEGT!!!!!!!!! Bestu tónleikar sem ég farið á held ég bara! Þarna voru tvær hljómsveitir að spila, og aðal grúppan var "The Chicago Playboys" ásamt "The Big James" en hann söng og spilaði á básunu af þvílíkum krafti og þvílíkri snilld að ég hef aldrei séð annað eins, sóló-ar á básunu og öll önnur hljóðfæri voru svo magnaðir að maður stóð bara á öndinni á tímabilli, þvílík spilamennska. Spilararnir voru allir svo góðir að það var ekki einn maður inni sem leiddist, rosalegt! Stemningin í byrjun var svona lala, fólk ekki að mæta allt of snemma, en þegar leið á kvöldið voru allir farnir að dansa út um allt, upp á borðum og alles, þvílík stemmning, og þegar þeir enduðu á slagaranum (allt annað spilað var frumsamið) "I´m a soul man" þá ætlaði allt um koll að keyra, 15 min útgáfa af þessu lagi þar sem allir voru í dúndurstemmningu en fremstur í flokki þá var saxafónleikarinn sem átti hreint ótrúlegan endasprett. Ég verð reyndar að minnast þess að hljómsveitin lét bassaleikarann gera þvílíkt dæmi á sviðinu að það var nánast ótrúlegt, söngvarinn "The Big James" öskraði á hann, "Funk it up" svona 30 sinnum og hann sólóaði á bassanum þannig að allt ætlaði um koll að keyra þarna inni, þannig að það endaði með því að allir hættu að spila og áhorfendur hrópuðu "Funk it up" og bassaleikarinn var bara með einleik í smá tíma með áhorfendum, og þvílíkur hraði á spilamennskunni, rosalegt. Af öllum þessum lýsingum mínum er auðsjáanlegt að þetta er eitt af því magnaðra sem ég hef séð, ótrúleg skemmtun!!!!
Jæja, það styttist í heimkomu sem er á þriðjudagseftirmiðdag, bíð spenntur eftir að komast í hlýjuna heima á fróni þvi hér í Chicago er þvílíkur kuldi að það hálfa væri nóg, -11 gráður og nístir kuldinn mann inn að beini svona á venjulegum degi.
Hins vegar er thanksgiving hátíðin í hávegum þessa dagana í USA og það gerir það að verkum að traffíkin hérna er svakaleg, hvort sem það er gangandi vegfarendur eða annað, það er allt gersamlega pakkað.
Jæja, ég læt hérna nokkrar myndir fylgja með

Á leið niður í bæ á aðal pub-inn í borginni ;-)


Ein af karlinum við Michigan Avenue á brúnni.


Svo er það auðvitað aðal staðurinn!!!!!


Svo ein svona af aðal bandinu, Big James and the Chicago Playboys!!!! ROSALEGIR, hver hlóðfæraleikarinn öðrum betri!!!

Saturday, November 26, 2005


jæja, þreytan gerði vart við sig seinnipartinn í dag, og kuldinn er orðinn svaðalegur hérna einnig, -11 stiga frost og m.a.s. smá vindur, rosalegt! Jæja, það var bara farið að éta og svo heim aftur, en auðvitað lét karlinn sig ekki vanta á Starbucks-arann og fékk sér einn Latte að hætti hússins, snilld! Jæja, fékk Vidar til að smella af mér einni mynd með nýju vélinni minni og hún kom bara svona glimrandi út eins og fólk sér á meðfylgjandi mynd.
Kveðjur til allra.

Friday, November 25, 2005

Góðan dag!

Jæja, hér getur maður tekið gleði sína á ný eftir nokkra ansi dapra daga í Frankfuhrt því nú er maður kominn til Chicago aftur og það er ekkert venjulega gaman, þetta er bara allra besta borgin í USA, ég held bara að ég verði að segja það. Hér er m.a.s. náttúrufegurð (sem á nú ekkert allt of oft við í stórborgum í USA) og falleg og hrein borg með fínu fólki, helsti galli borgarinnar er sá að það er ekki séns að leigubílstjóri viti hvert hann á að fara þegar þú biður hann um að fara eitthvað. M.a.s. fór ég í Boeing skrifstofublokkina í dag, sem er risa "skyscraper" hér í miðri Chicago með risa skilti á toppnum sem sést margar mílur í burtu (sá það m.a.s. í aðfluginu inn á flugvöllinn!) en leigubílstjórinn vissi ekkert hvar það var!!!
Hvað um það, í kvöld ætla ég á frægan jazz-stað sem heitir Chicago blues, þar er engin venjulega stemmning og ætla ég mér að njóta hennar í kvöld með áhöfninni, ekki leiðinlegt það.
Annað risaatriði hér, ég er búinn að kaupa mér nýja digital myndavél!!!!!!!! Já, Sony T5, svaka græja með öllu tilheyrandi! Nú get ég loksins aftur farið að setja myndir af ýmsu skemmtilegu inn á netið ;) Hvað um það, eftir að hafa verið á löngu flugi yfir atlantshafið, skellti mér í Compusa, Digital Camera Shop og Boeing World offfices building. Því miður var ekki opið í Boeing store þannig að ég þarf að fara aftur þangað á morgun, og þar mun maður örugglega geta eytt nokkrum dollurum :-)
Á mánudag held ég aftur til Frankfuhrt og svo beint heim á þriðjudag, verð kominn á skerið um ca. kl. 1600 á þriðjudaginn og er heimafiðringurinn nú þegar farinn að magnast.
Ég er búinn að ákveða að kalla góðan vin minn, hr. Vidar Thronsden, kaftein ribs. Hann hefur síðan við fórum í loftið í Frankfuhrt, einungis talað um ribs! Það eina sem hann vill er ribs og ekkert annað en ribs!!! Hann er nú nokkuð svona "sturdy fellow" eins og þeir segja, og gaman verður að sjá hve stór "rack"-inn af rifjunum verður hjá honum í kvöld. Spurning um að mæta með teljarann og taka þetta allt saman upp á nýju vélina mína ;)
Annars bið ég að heilsa í bili, sé ykkur flest í næstu viku!

Tuesday, November 22, 2005

Jæja góðan og blessaðan daginn!

Enn er ég staddur í Frankfuhrt, en í þessari 3-ja vikna reisu minni frá eyjunni í norðri hef ég einungis farið 2 ferðir frá Frankfuhrt, eina til New York og eina til Chicago, reyndar með viðkomu í Gander. Nú er séð að ég fari til Chicago á fimmtudagskvöldið og verði þar fram á mánudag, fari svo heim nk. þriðjudag. Jájájájá, heim eftir viku. Allt í góðu, þ.a.l. sést að maður flýgur rétt rúmlega 50 tíma í þessari rotation sem er ekkert glæsó.
Hvað um það, verst er að maður heyrir ekkert í Hjaltanum sem flakkar um allan heiminn án þess að láta kóng né prest vita og þykist bara vera töffari niður í Dubai.
Eins og fólk veit, þá er ég alltaf maðurinn sem vill koma við á sem flestum stöðum, þar sem ég fæ ekki líklega frí yfir hátíðarnar, þá er ég að hugsa um að sækja um Indian Hajj-ið ef svo fer að það verði tekið á bumbu! Já, sjáum til hvað verður í þeim efnum.

Sunday, November 20, 2005

Guten Morgen!

Ja, ich bin wieder nach Frankfuhrt aber ich komme von New York heute morgen. Neinei, heyrið mig, þetta er of mikið!
Jájá, kominn aftur á Steigenberger hótelið í Frankfuhrt þar sem nákvæmlega ekkert er að gerast, og það eina sem hægt er að gera er að taka bus yfir í Terminal 1 eða 2 (2 er svona fínt til tilbreytingar :). Það þýðir ekki að gráta yfir því, en það er sunnudagur í dag og því ekki mikið opið í miðbænum og þ.a.l. ekki spennandi að fara þangað heldur. EN, karlinn er að hugsa um að fá sér bílaleigubíl og kíkja bara almennilega á þeta land sem er undir fótum hans þessa dagana, því ég virðist kominn í nokkurra daga frí! Síðast er ég vissi átti ég að fara aftur til Chicago á morgun, en það virðist breytt og ég veit ekkert.
New York var ekki tekin með trompi, hins vegar var Long Island tekin með þvílíku trompi!!! Já, skrýtið að hótelið okkar í NY er á Long Island. Það er í svona "ríku" hverfi og það fer ekki fram hjá manni þegar bílarnir þjóta fram hjá. Ég og Altug Yesiltac (frábær capitan) gengum í ca. 4 klst. báða dagana, þannig að menn lögðust í enga leti þarna. Fórum á flugsafn, Long Island's Aviation Museum, en ég varð frekar fyrir vonbrigðum með það. Annars endaði þetta með fínum mat fyrra kvöldið hjá okkur á ítölskum stað, en ferðirnar á Starbuck Coffee voru óteljandi þessa daga líkt og vatnshólarnir fyrir vestan ;)
Adios amigos!

Sunday, November 13, 2005


Heimaborg Capone

Já, einu sinni var maður að nafni Al Capone alls ráðandi í þessari borg og maður að nafni Elliot Ness sem handsamaði þennan glæpamann og dró fyrir rétt þannig að réttvísin náði fram að ganga í Bandaríkjunum og stoðin að hruni mafíunnar í USA varð.
Já, margt er sögulegt við borgina sem ég er nú, en það er auðvitað Chicago. Þvílík og önnur eins borg. Þetta er ein allra flottasta og skemmtilegasta borg sem ég hef komið til í Bandaríkjunum, það er engin spurning. Algerlega meiriháttar. Ekki skaðar að hafa fengið svítu á efstu hæð á hótelinu (37. hæð) þannig að maður horfir langt niður út um gluggann ;-)
Jæja, ég fæ nú ekki að dvelja við lengi hérna því ég fer í nótt, eða um kl. 1000 að ísl. tíma. Samt gaman að sjá þetta allt saman og ekki skemmir fyrir að ég fer hingað aftur eftir nokkra daga. Snilld. Tíminn var samt nægur til að kaupa sér einn jakka og eina peysu sem auðvitað stendur á Chicago 1833!!!
Annars er það að frétta að heimahöfnin mín (base-inn minn) er Frankfuhrt. Það er mjög fínt nema það að hótelið í Frankfuhrt er fyrir neðan allar hellur, en það sleppur því maður hittir svo mikið að fólki þarna.
Jájá, næsta ferð mín verður til New York á miðvikudaginn, verð þar í einn og hálfan dag, fer svo aftur til baka, og svo aftur út til Chicago. Að lokum er svo þessi fína mynd sem Hjalti lét taka af okkur félögunum á einum pub í Frankfuhrt, þarna eru auðvitað ég, Hjalti og Arnór Valdimarss. (Addi). Ekki leiðinlegt þarna því þetta var fyrsta skipti sem ég fór í miðborg Frankfuhrt.
Jæja, kveðjur til allra!

Friday, November 11, 2005

Góðan daginn!

Ég veit að ekki hefur verið mikið skrifað hér upp á síðkastið enda karlinn búinn að vera upptekinn við að gera íbúðina okkar Lilju að þvílíkri höll að það hálfa væri nóg. Jájá, nýjar hurðir og nýtt parket, þýðir að engir háir hælar eru leyfðir í okkar húsum :-)

Jæja, hvað um það, er búinn í simma í Frankfuhrt sem gekk vel, og er nú á leið til Chicago í fyrramálið. Verð þar í 2 daga áður en ég held hingað til Frankfuhrt aftur. Svo er næst New York þannig að mikið USA ævintýri framundan.
Chao for now.

Thursday, October 13, 2005

TÝND MYNDAVÉL

BÚHÚHÚHÚÚÚÚÚÚÚ!!!!!!
Ég týndi myndavélinni minni, djöss maður, ótrúlegt! Hvernig fer maður að þessu. Skrepp til Miami í einn dag, fer að skoða borgina með Siggeiri vélstjóra, tek myndavélina með og týni henni. Þetta er ótrúlegt. Það liggur við að maður þurfi að hengja svona hluti aftan á afturendann á manni til þess að muna eftir hlutunum!!!!
Já, það lygilega er að við fórum í lestir í Miami og vorum að skoða okkur um. Kom í ljós að megnið af Miami borg er ansi óspennandi þar sem lítið er af menningu annarri en þeirri að 90% fólks þarna talar Spænsku. Hvað um það, vegna þessa tók ég engar myndir, hélt alltaf á myndavélinni í höndinni, þannig að þegar ég lagði hana frá mér e-s staðar, þá gleymdi ég henni, og nú auglýsi ég eftir digital myndavél í Miami, sjái nokkur maður myndavél þar, þá á ég hana!!!!!!!!
Annars styttist í heimkomu og hlakkar í manni að fara að takast á við hurðirnar og parketið, já, ekki laust við að "klaufabárðarnir" fari á kreik aftur, nema sá galli er á að þeir eru einungis til sýnis á Fálkagötu 14. Þetta verður stuð, enda fengið ábendingar héðan og þaðan um hvernig fara skuli best að þessu. "Efist eigi, trúin flytur fjöll" sagði maðurinn (eða er það kannski bara ég :-)) Jæja, bið að heilsa, kem heim á þriðjudagskvöldið!
Heil og sæl á meðan.