Wednesday, October 05, 2005



Eins og sjá má er karlinn byrjaður langt á undan hinum í stúkunni (menn varla mættir) með vekjarann í góðum fíling.
Góðan dag

Jæja, þá er maður búinn að fara á fótboltaleik á Bernabau hér í Madrid auk þess sem maður hefur farið tvisvar til Tenerife sl. 2 daga. Þetta hefur ekki verið leiðinlegt, og hreint út sagt hin allra besta skemmtun. Til að segja alveg rétt frá, þá fórum ég og Hjalti í gönguferð um Madrid á laugardag, vitandi það að Bernabau leikvangur Real Madrid væri í nágrenninu ákváðum við að kíkja þangað með hjálp Ásgeirs co-ara hér á svæðinu. Rúllum við að framanverðum leikvanginum þar sem við komumst að því að uppselt er á leik morgundagsins, Real Madrid vs. Real Mallorca. Við stöndum þarna fyrir framan og veltum því fyrir okkur hvort við ættum að fara á leikinn, því hellingur af gaurum stóðu með miða þarna hjá okkur og reyndu að selja okkur þá á svörtu!
Eftir að hafa neitað einum kom annar og leist okkur ágætlega á þann gaur, enda sýndi hann okkur miða sem áttu að vera á besta stað og aðra á verri stöðum og allt á mismunandi verði. Jújú, við kaupum miðana á besta stað á vellinum, 55 Euro (þykir nú ekki mikið í þessum miðabransa) og allt klárt! Sælir og glaðir fengum við okkur nú einn kaldan á leiðinni heim.
Leið nú svo sú stund að fara þyrfti á völlinn. Ákváðum við að leggja af stað snemma á völlinn þar sem við þekktum auðvitað ekki mikið til þarna á svæðinu. Í svaka fínum fíling löbbuðum við að Bernabau, og þar við var hellingur af sölubásum með alls konar dóti og keypti karlinn sér auðvitað Real Madrid trefil og vekjara handa Lilju, þessi vekjari er reyndar manual, en það skiptir ekki máli því hann svínvirkar, já, ef hann virkar ekki, þá virkar ekkert í heiminum til þess að vekja fólk, það er alveg ljóst. Eftir að hafa kynnt okkur alla þá vekjara sem hægt var að fá enduðum við s.s. með einn hvorn fyrir leikinn.
Lá nú leiðin inn í stúku, jájá, "svæði 602E" sagði Hjalti og þóttist vita nákvæmlega hvert við ættum að fara. Alveg rétt, 602E stóð á miðanum og héldum við af stað þangað. Allt í einu taka við hverjar tröppurnar á fætur annari og ég veit ekki hvað. "Við áttum að vera fyrir miðju, þurfum við að labba upp til að fara niður aftur? Skrýtið" sagði ég. Á endanum fattaði ég að helvítis miða nissinn sem seldi okkur miðana plataði okkur svona svakalega, sendi okkur lengst efst upp í stúku, upp í horn vinstra megin á vellinum. Til að gefa góða skýringu hversu hátt við vorum, þá komu þarna Þjóðverjar, nokkrir saman og voru greinilega í fínum fíling, nema ein í hópnum hjá þeim, hún kemur inn í stúku og heldur svo fast í kærastann sinn að hann er örugglega með marblett í ár eftir þetta, jú, hún var svo lofthrædd að hún gat gersamlega ekki verið þarna í stúkunni og fór út af leikvanginum og missti þ.a.l. af þessum skemmtilega leik. Svona plataði nú nissinn okkur svakalega. Hins vegar var ekki hægt að kvarta, útsýnið fínt og sáum við allan völlinn og lágvaxnir menn fyrir framan okkur þannig að þetta kom bara á endanum vel út enda vorum við staðráðnir í að láta þetta ekki á okkur fá. Maður getur reyndar þakkað fyrir að hafa ekki lent í barnastúku eins og einn, og var sá maður 2 m hár, gaman fyrir börnin er það ekki :-) Jæja, nóg um það. Mikilvægast var að fótboltaleikurinn var rosalegur. Þvílík flugeldasýning sem Real Madrid var með á vellinum, annað eins hefur sjaldan sést. David Beckham átti stórleik auk þess sem Roberto Carlos dúndraði boltanum tvisvar í netið af svo miklu afli að ég held að þotumótor gæti ekki búið til jafn mikið hvín í boltanum. Boltinn hreinlega söng í netinu eftir spyrnu frá karlinum og það m.a.s. tvisvar. Real vann 4-0, já Mallorca menn áttu ekki séns í þessum leik. Beckahm lagði upp 3 mörk ogl allir sáttir. Zidane kom inn á og skemmti áhorfendum í 30 min með þvílíkum töktum að lengi verður í minni haft.
Eftir leik fylltust göturnar í Madrid af áhangendum sem þeittu bílflautur eða hrópuðu sigursöngva. Gaman að þessu öllu saman. Héldum við félagarnir heim á leið með viðkomu á Pizza Hut og allt var þetta hreinlega stór magnað.
Daginn eftir hélt Hjalti til Miami en ég til Tenerife og til baka, gerði það reyndar í gær líka og svo er bara stemmning fram að helgi, þar sem ég á nú nokkra daga í frí, reyndar óvænt, en ágætt.
Fleiri virðast hafa skemmt sér vel um helgina, Lilja mín skellti sér á ball í Eyjum og er ég nú að spá í að svara Árna Johnsen að sjómannasið því hann á ekkert að vera abbast upp á dömuna mína!!!!!!! Sjá mynd á Lilju bloggi! Neinei, bara grín.

Sunday, October 02, 2005

Sunnudagur

Já, hvað gerir maður á sunnudegi í Madrid, jú, maður fer á fótboltaleiik með frægasta (ekki alveg allra besta í augnablikinu) knattspyrnufélagi heims, allir halda að ég sé að tala um KR, en það er annað félag nánast jafn frægt í þessum heimi, og heitir það Real Madrid. Já, karlinn kominn með miða á leik í kvöld og nú verður sko stemmning. Beckham á eftir að hlýða á skipanir mínar frá hliðarlínunni og aldrei að vita nema hann setji eitt mark eða svo í leiknum í kvöld! Kemur í ljós, en alveg er ljóst að það verður gríðar góð stemmning með öllu tilheyrandi!
Annars hoppaði ég til Miami um daginn og hafði það gott í 1 sólarhring, gerði nánast ekki neitt, en sporðrenndi nokkrum kjúklingavængjum á Hooters. Eftir að hafa farið yfir pollinn frá Miami til Madridar í gærmorgun, skellti ég mér út á labb með Hjalta og Ásgeiri og lá leiðin að Bernabau leikvanginum þar sem okkur tókst að fá miða á besta stað á vellinum, á svörtu. 55 Euro með alles, get ekki beðið eftir að láta sjá mig þar. Eg ætla að lata Hjalta öskra og öskra, m.a.s. jafn hátt og ég tala í símann, þá heyrist nú vel í mönnum þegar menn byrja á því!
Annars læt ég þetta duga í bili, adios amigos!!!!

Friday, September 30, 2005

M & M

Mikið óskaplega er það skrýtið með M & M, þetta er hrikalega gott sælgæti, sem allir fíla í botn auk þess sem tvær frábærar borgir heita þessu skemmtilegum nöfnum með M sem fyrsta staf. Já, Madrid og Miami fá hól dagsins á þessu bloggi í dag. Mikið óskaplega er gaman að geta kynnt sér mannlífið á almennilegan hátt í þessum tveimur borgum, þó reyndar að flugið taki rúma 9 tíma á milli þessara ágætu borga. Jájá, karlinn búinn að koma sér vel fyrir í Madrid en rúllaði mér til Miami nánast undir eins, þó gafst smá tími til að gera ýmislegt með virkjunum daginn sem komið var, þakka ég þeim fyrir snilldar kvöld. Jájá, stemmningin eins og hún gerist best hjá karlinum og ég held bara að tvibbinn (hgret) sé massa sáttur líka!
Sakna ykkar allra heima, rosa mikið, en verð að viðurkenna að 30 stiga hiti og sól er ekkert leiðinlegt, ekki síst þegar það eru 30 m/s heima með öllu tilheyrandi! Heheheh.
Sæl að sinni, reyni að vera rosa menningarlegur næst!

Saturday, September 24, 2005

Klukkaður!!!

Jæja, karlinn bara klukkaður af Birki! Það er ekkert sem heitir, en keppnismaður sem ég er, verður auðvitað að svara þessu 1,2 og bingó þannig að ekkert rugl fari úrskeiðis! Hins vegar er ég persónulega ekki alveg búinn að ná þessu klukki, nei, skil ekki alveg hvað þetta á að gera fyrir þá sem alltaf eru að blogga, en hvað um það, megabullarinn hlýtur að geta gert eitthvað í þessu. Mér skilst að hver sá sem er klukkaður sé fallegasti og besti flugmaður í heimi þannig að ég tek þetta allt til mín og geri gott úr þessu. Ég segi eins og Birkir og gef mér það tilfinningalega svigrúm (eins og Ólafur Ragnar) til að segja frá 5 hlutum um mig sem eru gagnslausir fyrir aðra en ég ætla ekki einungis að einskorða mig við svollis bull!!!
Jæja, fire away!

1) Ég er egó-isti mikill, en samt alltaf í gríni, svona yfirleitt!

2) Ég er maður sem þarf að taka með þvílíkum fyrirvara því ég segi stundum ýmislegt sem ekkert vit er í en þó samt eitthvað, ég kem t.d. skilaboðum áleiðis með kaldhæðnislegu glotti (svona "a la Logi Bergmann") sem sumir misskilja en skilja þó!

3) Ég er orðinn mikill aðdáandi su-doku gátanna. Ég er reyndar svo góður í þeim að það hálfa væri nóg, en þetta er samt allt Birki að kenna því hann lét mig vita af þessu su-doku og ég er farinn að eyða allt of miklum tíma í þetta, en það er bara gott mál því flest fólk á í miklum erfiðleikum með að láta tímann líða. Ég er reyndar svo góður í su-doku að talnafræðingar segja að það séu ekki til tölfræðilegar upplýsingar um hversu góður ég er í þessu, en hvað um það, ego-ið bliv-ar!

4) Það hljóta allir að vera hrifnir af mér, alla veganna segir Hjalti það, en hann er nú samt svo rosalegur að ég held stundum að hann sé bara að tala um sjálfan sig, en öll compliment eru tekin til meðferðar á þessu bloggi. Ég læt nú Lilju mína sjá um þessa hlið mála fyrir mig!

5) Ég er aðdáandi Lilju minnar og líka Hallgríms Helga, enda er hann "bold" (ekki í meiningunni feitletraður!!!) eins og ég!

Sæl að sinni!

Thursday, September 22, 2005

Góðan dag!

Jæja, nú eru allir Atlanta menn farnir út nema ég en það gerist á næsta þriðjudag! Já, vinnan loks að taka við og ekki laust við að það hlakki í manni að takast á við Kúbverja og BNA menn á Miami. Já, Madrid er málið, fer þangað á þriðjudaginn og verð þar í 3 vikur að fljúga á aður tiltekna 2 staði ásamt kannski fleiru. Nú er aldrei að vita nema að Air Atlanta sé að fá glænýjar 777-200 frakt vélar en í dag er greint frá því að Avion Group sé að festa kaup á 4 svollis vélum, magnað!
Annars er karlinn nú að spá í að fara á námskeið erlendis á Yak-52 þar sem allt listflug er tekið fyrir. Já, í UK eru nefnilega 2 rússar sem kenna allt á þessa vél og langar mig sérstaklega að fara og læra abracadabra "drill"-ið, en fyrir þá sem ekki vita skapar það þyngdarafl sem er -4 g. Já, vonandi tekst mér að komast á þetta námskeið fljótlega upp úr áramótum, sjáum nú til með það!
Hgret er farinn til Danmerkur í frí, fínt að fara með flensuna þangað félagi, spara okkur Íslendingum þessi ósköp, mikið rosalega sem þú ert mikill Íslendingavinur Hjalti minn. Super!
Heyrumst hress!

Wednesday, September 21, 2005

Góðan daginn!

Jæja, karlinn alltaf í classanum að hlaupa og reyni að léttast. Það gengur upp og niður en vonandi getur karlinn farið að státa sér af því að klára 5 km á 25 min, það styttist í það en vantar enn smá upp á það. Hvað um það, lítið hefur gerst síðan um helgina en vonandi bætist úr því á morgun!

Monday, September 19, 2005

Jæja góðir hálsar! Undur og stórmerki hafa gerst, Lilja Dögg hefur nú loks farið í flug á RÚSSANUM ÓGURLEGA!!!!!!!!!!!!
Já, úr varð í gær, því það var svo massa gott veður, að Lilja kæmi með mér í flug og það var ekkert venjulega gaman. Hoppuðum við í loftið í Reykjavík og áleiðis yfir Viðey inn Hvalfjörðinn í átt að Hreðavatni, en þar er einmitt sumarbústaður foreldranna. Mikið óskaplega tók bústaðurinn sig vel út í 500 fetunum og gaman að sjá hann frá þessu sjónarhorni í þessari líka þvíllíku blíðunni sem var á svæðinu. Mikið gaman og mikið fjör! Flugum svo þaðan yfir í Eldborgarhraunið og skoðuðum það vandlega úr lofti, mögnuð sjón enda veður eins og áður sagði mjög fínt. Svo var haldið af stað í bæjinn aftur og tók þessi flugferð tæpa 1,5 klst. Hvað gerir maður svo eftir flug á sunnudegi, jú, auðvitað skellir maður sér á Hamborgarabúllu Tómasar, þar sem borgararnir minnka með hverju skipti sem maður fer þangað, en þeir eru þó alltaf ljúfir :-)
Svo var bara afslappelsi um kvöldið og rólegheit!
Annars er það að frétta að loksins erum við í Rússavinafélaginu búnir að fá nýtt skýli fyrir Yak-inn okkar. Já, keyptum fínt T-skýli í fluggörðum sem passar akkúrat fyrir einn Yak og með ðí! Alger snilld, en afhending verður ekki fyrr en um áramót þannig að það verður að notast við núverandi aðstöðu fram að áramótum!
Bless í bili!

Friday, September 16, 2005

Góðan daginn!

Nú hef ég verulegar áhyggju af tvíburabróður mínum, honum Hgret. Já, hringir í mann og býður manni í morgunkaffi og vöfflur, hversu gay er það????? Ég get ekki dæmt um það en læt öðrum það eftir! Mér sýnist á þessu að karlinum gersamlega vanti alvöru konu sem sér almennilega um hann og læknar hann frá sálfræðilegum erfiðleikum sem hann sýndi með því að troða pappír í eyrun. Ég veit að það er kannski ekki mjög huggulegt að bjóða kvenþjóðinni upp á svona kandidat en ég lofa því að hann sé hinn besti drengur! Gott ráð er að láta hann éta pappírinn og spara þannig matarinnkaupin :-) Annars, þakka ég Hjalta gott boð og mæti kl. 1000 nú á eftir!!! Hjalti, þú ert snillingur! Heiður að fá að fljúga með þér til Madridar eftir rúma viku!

Thursday, September 15, 2005

Daginn!

Undur og stórmerki hafa gerst í þessari veröld, bíllinn minn grái er ber hið magnaða heiti Volkswagen Golf frá árinu 1998 hefur verið seldur!!!!! Mikið óskaplega sem ég er farinn að sakna þess að eiga bíl sem alltaf er að bila og þar sem head-ið er farið ásamt því að vera alltaf með púströrsvandræði auk bremsuveikleika, það liggur við að maður kunni ekki að keyra venjulegan bil eftir þetta! Þá er það stóra spurningin, hvað kemur í staðinn. Já, það er nóg af villtum og brjáluðum sölumönnum þarna út sem reyna að ginna mann til sín með alls konar gylliboðum og látum þar sem þeir vilja geta flett peningum manns á milli handa sér! Púff, læt þessa menn eiga sig aðeins í bili, en hvað er til ráðs??? Jú, besta í stöðunni er að vera á massa amerískum kagga, er Cavalier heitir, og eyðir massa bensíni, þetta verður nefnilega allt að vera í stíl, bumban eyðir miklu, þ.a.l. verð ég að vera á bíl sem eyðir miklu, er það ekki ??? Alla veganna erum við hjúin á Fálkagötunni komin á bíl sem Lilja hefur átt um nokkurt skeið og mun hann fást við að redda okkur í gegnum dagsins amstur næstu mánuði.
Að öðru, vegna þess hversu mikið Ómar hælir nýjustu tækni og vísindum, þá smitaðist ég aðeins af honum, skal ég nefna nokkur dæmi um það! Ómar kaupir macintosh tölvu, ég gerði það líka! Ómar er með sjálfvirkt ljós á baðinu því þar er enginn gluggi o.s.frv., það er ég kominn með líka!!! Já, karlinn fékk tengdó til að mæta með borinn í gær (því verkfærahallæri er mikið á þessu heimili) og boruðum við út í gegnum flísarnar á baðinu og tengdum svo nýjan tengil inn á bað, þannig að hvort sem menn ætla að gera númer 1 eða 2, þá fá menn sjálfvirkt ljós sem heldur mönnum við efnið þannig að þeir hitti á tilheyrandi stað!!! Ekkert nema glæsó um það segja!!!
Svo er eitt af aðal atriðuðunum þessa dagana er Yak-52 sem flýgur um loftin blá þessa dagana. Hef ég haft mikið gaman af því upp á síðkastið að taka menn með mér í smá túra og mun ég væntanlega halda því áfram. Gott að vita til þess að menn hafi haft mjög gaman af þessu og ætla ég m.a.s. að reyna að koma mér í góðan túr í dag!
Meira bull kemur inn seinnipartinn. Bless í bili!

Monday, September 05, 2005

Góðan dag!

Jæja, undur og stórmerki gerðust í gær! Fékk hringingu frá álfunum í Excel crew-ing og beðinn um að fljúga frá Manchester til Sharm El Sheikh í Egyptalandi, fara svo með sömu vél til baka sem farþegi, síðasta flug áður en þú ferð heim sögðu þeir!
Jæja, af stað lagði maður í þetta skemmtilega flug, jújú, mættum á svæðið og allt í fínu, flugum svo aftur til baka eftir smá havarí með karlana á flugvellinum þarna í Sharm. Var svo bara að poppa inn á Radison hótelið hér í Manchester og ætla að vera hér í 3 klukkutíma, tek flug í dag kl. 1230 til Gatwick, og væntanlega flug aftur heim frá Heathrow í kvöld og vonast ég til að mæta á skerið um miðnættið í kvöld (kannski 2300 ef ég er heppinn)!
Bíð spenntur eftir að sjá ykkur öll og get ekki beðið að koma heim og éta almennilegan mat sem Lilja kokkar ofan í mann :-)
Orðinn frekar leiður á fish & chips og öllum þeim viðbjóði!
Sæl að sinni og bestu kveðjur!

Saturday, September 03, 2005

Jæja, ég verð að leggja eitt fram hér á þessari vefsíðu!
Birkir nk. bumbuflugmaður benti mönnum á að prófa sudoku!!!! Þetta er nátturulega bara stórhættulegt spil þar sem gjörsamlega er alls ekki hægt að hætta!!! Ég mæli með því reyndar að fólk prófi þetta, www.sudoku.com . Tjakkið á þessu, þetta er gargandi snilld og frábært til að eyða tímanum hvar sem er!
Góðar stundir!

Friday, September 02, 2005

Karlinn orðinn massa duglegur í blogginu upp á síðkastið og engin breyting þar á í kvöld!

Jæja, mættur á Radison hótelið í Manchester og hef það fínt, flýg til Faro og til baka á morgun og væntanlega er þá prógrammið búið hjá mér í þessari útlegð. Hlakka svo mikið til að koma heim og fá að anda að mér fersku lofti þar sem hrímið kemur á tunguna á manni þegar maður andar og allir eru svo rosalega vel klæddir að ekki er hægt að sjá muninn á mönnum og fjöllum!
Er búinn að vera að hlusta á lélegar ræður hjá Bush og er orðinn þreyttur og ætla að fara að slefa í koddann!
Góða nótt!
Jæja, góðan og blessaðan daginn!

Karlinn staddur í Gatwick á leið til Manchester eftir klukkutíma til þess að kíkja aftur þaðan til Faro á morgun. Já, Faro er málið en kem strax aftur til Manchester í eftirmiðdaginn, áreiðanlega skemmtilegt flug og það sem gerir það enn skemmtilegra er að þá er ég kominn með fleiri tíma í þessum mánuði heldur en Hjalti skratti :-)
Hvað að um það, kem svo aftur til Gatwick vonandi á laugardagskveld, kannski sunnudagsmorgun, sjáum til. Vonandi hittir maður Benna þar! Jæja, svo kemur maður heim á mánudag eða þriðjudag, þá er nú ekki leiðinlegt að vera heima á fróni þegar massaðasti drengur norðan alpafjalla (sem fæddur er á bilinu 22:00 - 23:00 22. apríl 1977) kemur heim! Jájá, mikið óskaplega er ég orðinn spenntur að koma heim og hugga Lilju mína sem nú er byrjuð í hjúkkunni aftur í HÍ! Já, daman að hefja annað árið og allt að gerast, ekki slæmt að búa á Fálkagötunni þegar menn eru í HÍ!!!! Hhahaha. Eins og ég segi, mjög spenntur að koma heim og kenna öllum Íslendingum qriquet, því ég er væntanlega einn af þeim fáu heima á fróni sem kunna þetta sport, enda búinn að horfa á flesta leikina á milli Englands og Ástralíu í keppninni um "The Ashes" en það lið vinnur sem fyrst vinnur þrjá leiki af 5. Fyrir þá sem vilja vita, hafa Engendingar unnið 2, Ástralir 1, og einn hefur orðið jafntefli, þannig að Englendingar standa heldur betur vel að vígi fyrir lokaleikinn í næstu viku! Allt að verða vitlaust hér í Englandi út af þessu!
Bið að heilsa í bili!
Bestu kveðjur til allra, áfram Ísland á morgun, vinnum 10-0!!!!!!!!!!!!!!

Thursday, September 01, 2005

Í framhaldi af neðangreindu hef ég tekið þá skemmtilegu ákvörðun að skella mér í downtown í London, veður hér er fínt og ég hef ekkert betra að gera. Vonast til að geta fundið armband til að binda iPod-inn minn við handlegginn á mér fyrir gym-ið. Vell á minnst, var ég búinn að segja ykkur frá því hvað ég hef misst mörg kg! Ég hef misst svo mörg að ég segi ykkur það ekki!!!! Hahahahah, mitt eigið leyndarmál og kannski vandamál, hver veit?
Góðan dag, þó svo að hann hafi byrjað frekar skringilega hjá mér!

Jájá, átti að fara til Orlando í dag, fara svaka glaður frá Creepy Crawley til Orlando og vera þar í einn dag og koma svo til baka aftur. Jájá, fór til vinnu í morgun, mætti á svæðið og tók við pappírum fyrir flugið því ég var eini maðurinn sem mætti snemma. Svo líða nú nokkrar mínútur og enginn kemur að tékka á mér og virtist sem að allir þeir sem áttu að fljúga með mér væru ekki í sama tímabelti og ég! Eftir nánari eftirgrennslan kemur í ljós að vélin var biluð og búið að seinka öllum nema mér. Ég lét þetta nú ekki á mig fá, fékk mér einn kaffi og skoðaði bara pappíra og veður áleiðis og hafði það nice. Svo kemur að því að kafteinninn mætir og við förum að spjalla. Kemur þá í ljós að hann telur að það sé auka áhafnarmeðlimur um borð, já 2 kafteinar, 1 co-ari og 1 vélstjóri. Já, 2 kafteinar því að annar þeirra er í þjálfun. Við héldum að þetta væri eitthvað skrýtið og hringdum í crewing (screwing) og jújú, mikið rétt, eigum að vera fjórir, því það þarf safety pilot með í þetta! Enginn sagði mér að ég ætti að vera safety pilot og því var ég nú frekar vonsvikinn yfir þessu öllu saman, svo að lokum kemur í ljós að engan safety pilot vantaði! Þ.a.l. fór ég aftur upp á hótel og bora nú fast í nefið eftir allt þetta bull.
Til að bæta gráu ofan á svart, þá veit ég ekki hvenær ég á að fljúga næst og held ég að félagið viti það ekki heldur. Ég reyni hins vegar að láta fara vel um mig og hugsa til heimferðar sem verður í síðasta lagi á þriðjudag!
Kveðjur!

Thursday, August 25, 2005

Góðan og blessaðan daginn!

Jæja, karlinn í Gatwick eftir að hafa tekið auka flug í gær. Já, karlinn fór í fyrsta skipti til Grikklands, reyndar til eyju þar hjá sem heitir Kos, aldrei séð né heyrt um þessa eyju áður og þess vegna gaman að koma á framandi slóðir. Viti menn, þetta var bara fín stemmning, frábært veður á eyjunni og eyjan sjálf falleg, þó ekki eins falleg og Vestmannaeyjar ;) en að miklu leyti mjög interessant! Ég flaug reyndar til baka, og fékk nú að prófa að lenda bumbunni í 30kts x-wind-i og gekk það bara fínt og allt gott um það að segja, þannig að sjálfstraustið minnkaði ekki við þetta flug!
Jæja, hvað um það. Ég ákvað að taka daginn tiltölulega snemma og ég og Benni nörtuðum í frekar dapurt bacon (einu sinni!) og fórum svo út í tölvubúð að skoða. Stuttu seinna þurfti Benni að yfirgefa svæðið því hann fór til Manchester eftir hádegið. Ég hins vegar fór í mall-ið hérna og var svona að skoða hitt og þetta. Gerist þá ekki það ótrúlega að það gerir þetta þvílíka þrumuveður að rafmagn fór af öllum húsum og búðum í downtown Crawley þannig að allir húktu innandyra og ætluðu að bíða af sér eldingarnar og ég uppgötvaði líka hvað þetta lið hérna (tjallarnir) er hrætt við hagl. Ég, alvöru dúddinn tók nú létt í þetta og fór bara að rappa, "Get the hell out of my way, don´t wanna stay, I´m Icelandic and I do this shit every single day from sept to may!". Með þessum fleygu orðum í bundnu rappi, horfði liðið á karlinn hlaupa eins og Carl Lewis meðfram öllum göngugötum (því karlinn er kominn í svo gott form!) inn í einu búðina á svæðinu sem virtist geta selt eitthvað því aðrar verslanir urðu inop þvi allir kassar voru dauðir vegna fyrrgreinds rafmagnsleysis. Hundblautur og ógeðslegur eyddi ég 7 pundum í þessa lika þvílíku regnhlíf! Valhoppandi út í blíðuna aftur ætlaði ég nú að opna regnhlífina og taka lagið, reyndar smá breyttu, "Singing in the rain, loving the hail" en viti menn, regnhlífin var svo lítil að ég held að hún nái ekki yfir allan skallann á mér, kannski er kálið á mér orðið svona stórt, veit ekki, aðrir verða um það að dæma en með þetta fiðrildi fyrir ofan hausinn á mér, léttur í lund sem fyrr, spígsporaði ég nú aftur á hótelið. Þegar þar var komið var allt rafmagnslaust og lyftur inop og alles, þannig að eftirmiðdagurinn hefur verið svolítið steiktur í dag. Hins vegar óska ég bróður mínúm innilega til hamingju með að kára prófið í morgun! Já, nú er eitt eftir og endilega fáðu þér nokkra kalda í dag! Átt þá skilið!
Að öðru, flug á morgun til Orlando kem aftur á sunnudagsmorgun, þannig að karlinn biður bara að heilsa í bili!

Sunday, August 21, 2005

Jæja, góðan dag enn og aftur gott fólk!

Jæja, mættur aftur til Gatwíkur og hef það fínt, reyndar var Hjalti (tvibbi) að kveðja í dag þar sem við eigum ekki eftir að hittast fyrr en við komum heim aftur þ. 6. sept. Jájá, svona er lífið. Annars allt í flottu, foreldrarnir mættir til London og stefnt að hitta þau á þriðjudag, aldrei samt að vita hvað gerist á morgun.
Næsta flug hjá mér á föstudaginn, þannig að næstu dagar eru rólegir!
Kveðja til allra á heima sem að heiman!

Saturday, August 20, 2005

Afsakið mig!

Ég verð að taka til baka að það sé ekki gym á hótelinu, kannaði það nánar áðan og er búinn að nota það!!! Þetta eykur munaðinn á þessu hóteli til muna og hef ég tekið það í sátt! Hananú!
Góðan dag!

Jæja, nú mér til all merkilegrar uppgötvunar hef ég fundið það út að Kanar (USA people) eru alveg ótrúlegir! Já, t.d. í stað þess að sýna fótbolta í sjónvarpinu þar sem flest lið í Evrópu eru að spila, nei, þá sýna þeir frekar berjakökukappát!!!!!!!! Það ótrúlega í þessu er að það eru 5 þús. manns með spjöld með nöfnum keppenda að hrópa og kalla á þann sem það hefur líklega veðjað á. Íþróttir í Bandaríkjunum eru sem sagt að komast á það stig að það á ekki að hreyfa sig og taka á því, nei! Það á að éta þangað til maður ælir! Ég hef aldrei orðið vitni að annarri eins vitleysu, jú kannski í morgun í morgunmatnum, þá gat ég nú varla séð muninn á því sem var í sjónvarpinu og þeim sem voru að borða í matsalnum, svo mikill var hamagangurinn hjá sumum. Ég ætla nú ekki að segja að allir Kanar séu svona, ekki að alhæfa neitt, en fyrir suma (og reyndar all margra) er þetta nú alger staðreynd. En að upphefja vitleysuna með keppnum í sjónvarpi í stað þess að sýna enska boltann, fjandinn er þá orðinn laus, ég bara get ekki annað en lýst fullkominni óánægjum með þetta.
Eins og fólk hefur kannski getið sér til um þá er ég staddur í USA, nánar tiltekið í Orlandó Flórida. Já, hingað kominn enn einu sinni, nema það að nú er annað hótel brúkað er heitir Rozen Plaza, og er ég ekkert allt of sáttur við það.
Maður hlýtur nú að spyrja sig eftir margar heimsóknir hingað hvað er svona merkilegt við Ameríku. T.d. eru kleinuhringir í öllum morgunverðarhlaðborðum, maður fær kaffi með morgunmatnum en ekki á eftir (eins og maður er vanur), það er cool að vera þéttur á velli og tala mikið, það hjálpar verulega til að vera á stórum bíl því þá rúmast líklega 3 venjulegir kanar í honum, verð er aldrei það sem stendur á verðmiðanum því skatturinn er ekki innifalinn, 35 stiga hiti og fyrir þá sem koma frá Íslandi er það heldur betur mikið. Á þessu hóteli sem ég er á er ekki gym þannig að hér er bara frekar fúlt eins og sjá má á upptalningunni hér að ofan.
Jæja, læt þetta nægja af rugli í bili, fer sem betur fer héðan í kvöld til Gatwick, sem er fínt, því ég er þvílíkt ánægður með Arora hótelið þar, líklega allra besta hótel sem ég hef komið á í Bretlandi!!!
Sæl að sinni!