Thursday, August 05, 2004

Góðan dag (kvöldið hjá mér)
Ég fékk hringingu frá Ómari óða í dag, sá piltur er þrælmagnaður og sagði hann mér sögur sem gaman var að. Drengurinn sá er búinn að finna það út að ekkert heillar íslenskar dömur jafn mikið og asnaleg sólgleraugu!!! Ég hlustaði furðu lostinn á þessa ræðu frá manninum og fann út að það er ekkert skrýtið að ég kalli hann Ómar óða! Hann ætlar, óður maðurinn, að rúlla niður í bæ á föstudagskveld með sín skrýtnu sólgleraugu ásamt öðrum óðum mönnum. Það lygilega við þetta allt saman er að þetta munu allt vera flugmenn. Þ.a.l. mæli ég með því að þeir verði allir sendir í sálfræðipróf sem fyrst! Hins vegar bið ég allar dömur um að hafa varann á á föstudag þar sem leðurklæddu refsararnir verða á svæðinu með skrýtin sólgleraugu. Ég hef gefið þessu skrýtna gengi nafnið THE DESPERADOS, má fólk nota skilningarvit sín til þess að finna út hvernig það nafn var fengið.
Á meðan ætla ég að vera að fljúga til Orlando aftur frá Gatwick, mun göfugra dæmi. Hins vegar segi ég stoltur og ánægður frá því að ég mun verða með flott sólgleraugu, ekki skrýtin. Um árið var ég búinn að finna það út með einum flottum félaga, að ef maður vildi vera svalastur af öllu svölu, þá ætti maður að fara í hvítum US Navy búningi niður í bæ á laugardagskveldi, standa við klukkuna og spjalla á ensku um hversu gaman var að vera á US Missouri flugmóðurskipinu. Ég reyndar tel að það hafi verið gott mál að gera þetta ekki því maður hefði ekki staðið lengi í 2 jafnfljóta þar sem hnefar annarra vitleysinga væru komnir á loft gegn manni. Svona er lífið, bannað að leika sér of mikið!!!
Annars bið ég að heilsa THE DESPERADOS með óskum um gott gengi :-)

No comments: